Hindi man visible sa telebisyon ang Star Circle Quest graduate na siPaw Diaz, aktibo naman siya sa mga stage plays. “Right now mostly stage plays tapos nag-aaral ako ngayon,” ito ang bungad niya sa ABS-CBN.com nang makapanayam namin sa isang car show sa World Trade Center. “It's just that nag-aaral ako pero every month pa naman I still have guesting sa Wowowee para lang mag fit sa schedule ko. As of now kasi my priority is my studies pero kung meron show, why not.” Sa naturang car show, guest ang grupong KoolChx pero ilan sa mga miyembro nito ay hindi available kaya nag-pinch hit ang dalaga. Magpapa-sexy na nga ba siya? Isasama na nga ba siya as member ng sexy singing group? “We're just trying kung puwede ba sa KoolChx as of now pero hindi ko pa alam yung final.”

Pero magpapa-sey na nga ba siya talaga? “Yan nga rin nga ang tanong ko sa sarili ko. Actually paunti unti kasi mahirap yung biglaan eh. Inuumpisahan ko ngayon sa KoolChx medyo sexy na yung outfit. Siguro step by step.”

Masaya na din siyang kasama sa mother's day presentation ng Star Cinema, na pinagbibidahn nina Governor Vilma Santos, John Lloyd Cruz at Luis Manzano. “I'm doing a movie ngayon yung kay John Lloyd and Luis. Kasama ako dun so talagang ABS-CBN is taking good care of us.” Ang nasabing pelikula ay may final title na diumano, ang 'In My Life'. Napaunang balita na 'A Mother's Story' daw ang titulo nang movie ngunit napalitan na nga ito.

Sa lovelife naman, masaya ang dalaga sa estado ng kanyang relasyon sa isang Pinoy na naka-base sa Singapore kaya paminsan minsan siyang dumadalaw doon. Pero pinabulaanan niyang nagli-live in na sila o kaya naman ay may plano nang magpakasal. “Yeah it's true kasi yung boyfriend ko nasa Singapore, pero he is Pinoy. Hindi pa naman bata pa naman so hindi pa naman kami nagmamadali. I just turned 22.”