‘Nasaan ka Elisa?’ premieres on Primetime Bida tonight |
| by ABS-CBN Corp. Comm. | September 11, 2011 11:42 PM | |
Matapos ang hindi inaasahang tagumpay sa Puerto Rico at Estados Unidos, at iba pang panig ng mundo, ang kontrobersyal na Chilenovela na “¿Dónde Está Elisa?” ay handa nang sakupin ang Perlas ng Silangan. Buong-pagmamalaking inihahandog ng ABS-CBN, ang pinakamalaking multimedia conglomerate, ang pinaka-aabangang Philippine TV adaptation ng “¿Dónde Está Elisa?,” ang “Nasaan Ka Elisa?” ngayong Setyembre 12, pagkatapos ng “My Binondo Girl”
Naging bantog ang “¿Dónde Está Elisa?” sa buong mundo matapos itong i-remake ng kilalang TV giant na Telemundo noong nakaraang taon. Magmula noon, iba’t ibang bansa ang nag-ere ng nasabing mystery drama. Ilan sa mga bansang ito ay ang Venezuela, Georgia, Spain, Croatia, Ecuador, Nicaragua, Peru, Mexico, Lithuania, Poland, Iran at Romania. Kinumpirma naman ng bansang Bulgaria, Serbia at Slovakia na i-eere din nila ang “¿Dónde Está Elisa?”
Ngayon 2011, buong-pusong ipinagmamalaki ng ABS-CBN ang purong Pinoy adaptation ng “¿Dónde Está Elisa?” na “Nasaan ka Elisa?” Ang pagiging “Desaparacidos” ay malaking break na din ni Melissa Ricks upang makapagbigay-excitement sa bawat Pilipino gabi-gabi. Tulad ni Melissa, ang kanyang mga kasamahang aktor ay ganadong-ganado din para sa kanilang bagong roles. Ang pinagpipitagang mga direktor na sina Richard Arellano at Jerome Pobocan ang magdi-direk ng ekstraordinaryong dramang ito.
Ang kwento ng “Nasaan Ka Elisa?” ay umiikot sa Pamilya Altamira, na biglang nagbago ang pamumuhay matapos mawala si Elisa (Melissa Ricks), ang panganay na anak nina Mariano Altamira (Albert Martinez) at Dana Altamira (Agot Isidro). Magmula nang mawala siya, unti-unting nabunyag ang sikreto ng bawat miyembro ng pamilya, kaibigan, at maging ang mga pangyayaring matagal nang ibinaon sa limot. Sa gitna ng masugid na paghahanap kay Elisa, maraming suspek na posibleng dahilan ng kanyang pagkawala ang lilitaw—ang magulang ni Elisa, mga tiyuhin, mga pinsan, mga kamag-aral, mga luma’t bagong empleyado ng Altamira business, at maging mga taong madalas pumunta sa mga lugar na pinupuntahan din ni Elisa. Sino ba talaga ang salarin?
Samahan ang buong bayan sa paghahanap sa “Desaparecidos.” Huwag palampasin ang “Nasaan Ka Elisa?” na mag-uumpisa ngayong Setyembre 12, pagkatapos ng “My Binondo Girl” sa ABS-CBN.
Related Links
