Panalo sa national TV ratings ang pagbubukas ng kuwento ng pinakabagong Primetime Bida teleserye ng ABS-CBN na “Dahil sa Pag-ibig” na na pinagbibidahan nina Piolo Pascual, Jericho Rosales, Christopher de Leon, Cristine Reyes, at Maricar Reyes.

Sa pinakahuling datos ng Kantar Media, humataw ang “DSP” sa 31.1% national TV rating na halos 15 puntos na mas mataas sa nakuhang 16.2% ng katapat na programang “Legacy” ng GMA.

Dahil sa mainit na pagtanggap ng mga manonood, kamakailan ay inilunsad naman ng programa ang “Dahil sa Pag-ibig Official Soundtrack” tampok ang ilan sa makabagdamdaming theme songs ng mga pangunahing karakter nitong sina Alfred (Piolo), Oliver (Jericho), Jasmin (Cristine), Agnes (Maricar), at Leo (Christopher). Dinumog ng daan-daang fans ang album launch na idinaos nitong Linggo sa SM Skydome.

Bahagi ng tracklist ng “Dahil sa Pag-ibig Official Soundtrack” na inilabas ng Star Records ang mga awiting “Sa Kanya” na inawit ni Piolo, “Nang Dahil sa Pag-ibig” ni Cristine, “Maghihintay Sa’yo” ni Angeline Quinto, at “Pagdating ng Panahon” ni Bryan Termulo.

Patuloy na subaybayan ang lalong gumagandang istorya ng “Dahil sa Pag-ibig” gabi-gabi, pagkatapos ng “Walang Hanggan” sa Primetime Bida ng ABS-CBN. Para sa karagdagang updates, mag-log on sa www.abs-cbn.com, sundan ang @dahilsapagibig_ sa Twitter, o i-'like' ang http://facebook.com/dahilsapagibig.tv.

Related Links

• ABS-CBN - Dahil Sa Pag-Ibig