Mas pinanood ng mas maraming Pilipino ang kasong inimbestigahan ni Gus Abelgas sa unang pagtatanghal ng “SOCO: Scene of the Crime Operatives” sa pinaaga nitong timeslot tuwing Sabado ng hapon sa ABS-CBN.

Wagi ang “SOCO” na pumalo ng 13.6% na national TV rating kumpara sa 9.2% lamang ng kalabang “Wish Ko Lang” noong Sabado (July 14), base sa datos ng Kantar Media na sakop ang parehong urban at rural areas sa bansa. Pasok din bilang ikasiyam na pinaka-pinanood na programa ang “SOCO” sa episode nitong itinampok ang isang sektang itinayo ng abusadong lider na pinaparusahan at ginagahasa ang mga debotong sumusuway sa kanya.

Panalo rin ang mga kasamang programa ng “SOCO” sa bagong news and current affairs weekend block ng ABS-CBN na “Failon Ngayon” (13.6%) at “TV Patrol Weekend” (21.1%) na tinalo ang mga kalabang programa sa GMA.

Ngayong Sadabo (July 21) naman, uusisain ni Gus ang panggagahasa at pagpatay sa 18 anyos na dalaga sa palayan ng Camiling, Tarlac na ang mga pangunahing suspek ay pawang malalapit sa biktima – ang kanyang nobyo at tiyuhin.

Batay sa imbestigasyon, inilunod sa irigasyon ang biktimang si Mary Cris at posibleng ginahasa dahil sa mga nakuhang brief at isang pares ng tsinelas sa crime scene. Sino nga ba sa dalawang suspek ang ituturo ng mga ebidensya?

Tutukan ang pagsasadula ng krimen sa “SOCO: Scene of the Crime Operatives” ngayong Sabado (July 21) pagkatapos ng “Showbiz Inside Report” sa ABS-CBN. Para sa sa updates ng programa, i-like ang www.facebook.com /Abs-Cbn-SOCO.

Related Links

• ABS-CBN - SOCO