Titignan ni Ted Failon ang kalagayan ng mga informal settler o “iswater” na nakatira sa mga estero, na siyang isa sa itinuturong salarin sa pagbaha sa kamaynilaan, matapos ang matinding pagbahang dinanas ng bansa sa nakalipas na mga araw ngayong Sabado (Aug 11) sa “Failon Ngayon.”

Dalawang linggo ngang nararanasan ng ating bansa ang hagupit ng hanging Habagat kung saan 90% ng Metro Manila ay lubog sa baha at halos 2 milyong katao sa buong bansa ang apektado ng pagtaas ng tubig sa kani-kanilang lugar.

Sa ulat na ginawa ni Ted kamakailan natukoy na ang sa pamumutiktik ng informal settlers sa mga estero, pagtatayo ng mga gusali ng gobyerno at pribadong kumpanya sa mga daluyan ng tubig tulad ng ilog kung kaya’t ganun na lang kabilis bumaha sa bansa. Bukod pa riyan ang malaking problema sa mga baradong drainage at waterways.

Muling ring hihingin ng programa ang magkabilang panig ng inire-reklamo at nagrereklamo sa dahilan ng pagsisikip ng Marikina River kabilang ang reklamo ng lokal na pamahalaan ng Marikina laban sa Circulo Verde project sa Quezon City.

Sinu-sino ang mga kababayan nating labis na naapektuhan ng banat ni Habagat?

Ano na ang aksyon ng gobyerno sa lumalalang problema sa baha?

Huwag palalampasin ang buong ulat ni Ted ngayong Sabado (Aug 4) sa “Failon Ngayon,” 4:45 PM pagkatapos ng “SOCO” ABS-CBN. Mag-kumento at ipahayag ang inyong saloobin sa official page ng programa sa http://www.facebook.com/failon.ngayon at i-follow ito sa Twitter sa http://www.twitter.com/Failon_Ngayon.

Related Links

• ABS-CBN - Failon Ngayon