Susubukin ang husay ni Popstar Sarah Geronimo sa larangan ng sports ngayong Linggo (Agosto 19) dahil makakasama niya ang Philippine Azkals brothers na sina James at Phil Younghusband sa kanyang solo musical variety show na “Sarah G. Live!”

Tunghayan ang first-ever football experience ni Sarah kasama sina James at Phil sa espesyal na ‘Sige Go’ segment. Bukod kay James at Phil, abangan din sa “SGL” ang makapigil-hiningang dance showdown ni Sarah at ng Ultimate Showgirl na si Vina Morales; makatindig-balahibong musical spectacle ng ‘80s balladeers na sina Richard Reynoso at Chad Borja; at ang muling pakikisaya ng Kapamilya leading man na si Enchong Dee bilang guest co-host ng Popstar.

Kasama pa rin ni Sarah ngayong Linggo ang resident dance royalty na si Gab Valenciano, co-host na si Luis Manzano, musical director Louie Ocampo, choreographer Georcelle Dapat-Sy, G-Force, at director Erick Salud. Huwag palampasin ang trending at top-rating Sunday primetime show ng ABS-CBN, "Sarah G. Live," 8:15pm, pagkatapos ng "Rated K." Para sa karagdagang updates, mag-log on sa www.abs-cbn.com o sundan ang @SGLiveOFFICIAL sa Twitter at SarahGLiveOFFICIAL sa Facebook.

Related Links

• ABS-CBN - Sarah G. Live