Matapos mamayagpag sa national TV ratings, sa music scene naman bibida ang de-kalibreng family drama series ng ABS-CBN na “Ina Kapatid Anak” na pinagbibidahan nina Kim Chiu, Xian Lim, Enchong Dee, at Maja Salvador.

Ire-release na ng Star Records ang album na binubuo ng koleksyon ng romantic theme songs na tiyak na lalong magpapa-ibig sa mga avid fan nina Celyn (Kim), Liam (Xian), Ethan (Enchong), at Margaux (Maja). Bahagi ng tracklist ang mga awiting “Ikaw Lamang” ni Angeline Quinto, “Kailan” ni Bryan Termulo, “Ikaw” ni Erik Santos, “Kung 'Di Sa Iyo” ni Xian Lim, at ang carrier single nitong “Ngayon at Kailanman” ni Ariel Rivera. May minus one versions rin ang limang tracks sa album.

Ang "Ina Kapatid Anak: The Official Soundtrack” ay mabibili na sa record bars nationwide sa halagang P150 lamang. Maaari pa ring ma-download ang album sa www.mymusicstore.com.ph at sa iTunes. Para sa karagdagang impormasyon tungkol sa "Ina Kapatid Anak: The Official Soundtrack”, bisitahin ang Facebook fanpage ng Star Records na www.facebook.com/starrecordsphil o i-follow ang @starrecordsph sa Twitter.

Related Links

• ABS-CBN - Ina Kapatid Anak