Sumama sa pangangaroling ng mga cute na kids ng “Goin’ Bulilit” ngayong Linggo (December 2) sa kanilang “Karoling sa Jeep” at “Karoling sa Bahay” gags at umani ng sandamakmak na katatawanan.

Hindi nagtatapos ang awitan ng mga bulilit sa pangangaroling dahil gagawa rin sila ng spoofed version ng awiting “Lumiliwanag ang Mundo sa Kuwento ng Pasko” at ng bersyon nila ng isang programa ng ABS-CBN News and Current Affairs na tawag nilang “Ako Ang Simula…ng Pila”. Wala namang kawala ang mga pasaway na bulilit sa kanilang “Walang ma-CCTV” sketch.

Tunghayan din ang mga nakakaaliw na eksena sa “Ang Corny”, “Tanong Ko Lang”, at “Ooh! Eew!” Magtatapos ang tawanan ngayong Linggo sa isang makulit na “Closing Game”.

Samantala, number one pa rin ang tawanan kasama ang “Goin’ Bulilit” pagdating sa ratings noong nakaraang Linggo (November 25) nang makakuha ito ng 23.7% average audience share, mas mataas ng apat na puntos sa nakuha ng katapat nitong show na “Pepito Manaloto Ang Tunay Na Kuwento” ng GMA na nakakuha ng 19.3% base sa urban and rural audience measurement data ng Kantar Media.

Tumawa at sumabay sa paborito ninyong Christmas songs kasama ang “Goin’ Bulilit” ngayong Linggo (December 2) pagkatapos ng “TV Patrol Weekend” sa ABS-CBN.

Related Links

• ABS-CBN - Goin Bulilit