Sabay naming nakita sina Gab Valenciano at singer Rachelle Ann Go na dumating sa concert ni Sarah Geronimo last week, at dito nakumpirma ng ABS-CBN.com na totoo ang mga bali-balitang "exclusively dating" na ang dalawa. “I am not seeing anyone right now except for her (Rachelle Ann), so if you call that exlcusively dating, then yes." pagkumpirma ni Gab. Bakas na bakas ang kaligayahan sa mga ngiti ni Rachelle at sinabing mangilang beses na nga silang nakapag-date ni Gab. Kwela at masaya daw kasama si Gab kaya wala naman daw siyang problema dito.

Matatandaan na naging kontrobersyal din ang paghihiwalay nila Rachelle Ann at ng dati nitong boyfriend na si Christian Bautista. May kumalat pang balita na ilang beses ding nakita sa magkakaibang pagkakataon si Rachelle Ann na may ka-date na isang direktor. Kaya ng tanungin namin si Rachelle Ann kung naka-move on na ba ito, isang masaya at nakangiting "oo" ang nakuha namin mula sa kanya.

Si Gab Valenciano naman ay dati nang nalink kay Nikki Gil. Naging bulung-bulungan din ang paghihiwalay ng dalawa. Nabanggit ni Nikki sa isang interview noon na, "We tried to work it out but I guess we were just too young. Still, I am not bitter nor do I have no regrets since our relationship that lasted almost a year was good until it lasted."

Sa estado nila ngayon, binahagi nila Gab at Rachelle Ann na ine-enjoy lang nila kung ano ang meron sila pero aminado silang gusto nila ang company ng isa't isa. Abangan na lang natin kung saan na hahantong ang "exclusively dating" nilang status.