“Kahit lumuha pa ng dugo” ay hindi umano papayagan ng aktres na si Jennylyn Mercado ang kanyang dating boyfriend na si Patrick Garcia na makita ang kanilang anak na si Jazz. Matatandaang hindi naging maganda ang paghihiwalay ng dalawa kung kaya’t naiwang mag-isa si Jennylyn sa kanyang pagbubuntis at wala si Patrick sa kanyang tabi. “Ayoko na nga siyang pag-usapan, eh. Paulit-ulit ko na ngang sinasabi na period wala na siya,” sambit ni Jennylyn.

Nagbitiw pa ng mataray na salita ang nagbabalik-showbiz na aktres nang tanungin kung ano ang gagawin niya kung sakaling makasalubong niya si Patrick. “Hindi ko naman siya iiwasan pero huwag na rin silang mag-expect ng kahit ano sa akin.” Sa ngayon ay mag-isang itinataguyod ni Jennylyn ang anak nila ni Patrick at hindi pa rin sila nagkakaayos, kung kaya’t hindi pa rin nakikita ng aktor ang kanyang anak.

Sa POV portion ng The Buzz kahapon Disyembre 14, sinabi ni Kris Aquino na nagkita sila ni Jennylyn kamakailan sa isang mall at nagkamustahan sila. Magkakilala si Kris at Jennylyn dahil nagkatrabaho sila noon sa isang pelikula. Nang kumustahin umano ni Kris si Jen ang relasyon nila ni Patrick ay tumangging magpahayag ang single mom.

Paliwanag naman ni Boy Abunda, ang reaksiyong ito ni Jennylyn ay may dahilan. “Ang pinanggagalingan ay mga chismis noon na diumano’y itinatatwa o idini-deny ni Patrick ‘yung paternity nung bata. So I think hindi pa rin ‘yan nare-resolve kay Jennylyn,” sabi Boy. “She’s obviously angry. Hell hath no fury like a woman scorned ‘ika nga. Pero I have an advice for Patrick, don’t give up.”

Related Articles