Isa nga ba sa mga “silent millionaires"ng showbiz si Shaina Magdayao? Nauna nang nalaman ng taumbayan na ang young Kapamilya stars like Gerald Anderson at Kim Chiu ay nagma-may-ari ng ipinundar na tahanan sa mga exclusive villages sa Metro Manila. Ito namang si Shaina, bagama't hindi priority ang pagpapatayo ng sariling bahay, inamin naman nito na ang mga salaping kanyang naipon simula nang siya'y pumasok sa showbiz as a child star hanggang sa maging leading lady-material ay ipinagpatayo niya ng 18-door apartment dito sa Metro Manila. Mayroon din siyang franchise ng Ystilo Salon at isang laundry shop along Timog. "Ever since I was a kid, natutunan ko sa parents ko kung paano humawak ng pera and like my parents, gusto kong may napupuntahan ang ipon ko. Nakakatuwa na nakikita mo yung pinaghirapan mo, ang pinuhunan mong dugo't pawis. 'Pag napapadaan ako do'n sa (rows of) apartments, nakakatuwang isipin na nakikita mo ‘yong mga days na hindi mo itinulog dahil sa sobrang trabaho, dito napunta yong mga isinampal sa akin, ‘yong mga luha ko. Masaya. Masaya dahil nakikita ko kung saan napunta ang lahat ng yun," kwento ni Shaina sa ABS-CBN.com noong nakaraang grand presscon ng Kambal sa Uma.

Gaya ng kanyang boyfriend na si John Prats na business minded ang pamilya, ito rin daw ang nagsilbing inspirasyon para siya'y mag-isip-isip ng kanyang future. "May mga business din sila, so nakaka-inspire," nakangiting sambit ng aktres. "Kasi, sino ba naman ang tutulong sa 'yo kung hindi yung mga taong nagmamalasakit, nagmamahal sa yo, ‘di ba?. So, nakikinig ako sa kahit na sinong mag-advise sa akin, pati yung mga kasama mo sa trabaho, laging sinasabi sa akin, 'dapat mag-ipon ka, mag-invest ka', ganyan-ganyan, at sinusunod ko naman."

Related Articles

• Shaina Magdayao is excited about sister Vina Morales giving birth
• Does Shaina Magdayao think of John Prats as husband material?