Kinlaro ni Anne Curtis na hindi siya nakikipagtalbugan sa kanyang mga kasabayang aktres sa ABS-CBN na sina Bea Alonzo, Angel Locsin at KC Concepcion. Paliwanag niya sa Showbiz News Ngayon kagabi (April 28), wala sa personalidad niya ang makipagkumpitensya sa iba. “I think anyone who knows me will see naman in my personality and how I carry myself na hindi talaga ako nai-inscecure o competitive. Siguro I’m comfortable of who I am (and) what I’m doing,” ani Anne. Sa tatlong aktres, sinabi ni Anne na si Bea ang pinaka-close niya dahil nagkasama sila sa proyekto dati, ang Maging Sino Ka Man. “Sa ASAP dressing room, kami ‘yung magkatabi, so kami ‘yung magka-chikahan. Even after ASAP, our group would go for lunch.”

Itinanggi rin ng MMFF best actress na may namumuong iringan sa kanila ni KC particularly because Sam was link to Sharon’s daughter before. “We said hi to each other (when we met) even in ASAP (before). We would say hi to each other. Hindi kami nagdededmahan. That’s for sure,” paninigurado ni Anne.

Wala rin umanong tensyon sa pagitan nila ni Angel dahil pareho silang naging ex-GF ni Oyo Boy Sotto. It is also common knowledge that Anne is best-friend of Luis Manzano, Angel’s current boyfriend. Sa tingin naman ni Anne ay walang problema ito kay Angel. “I don’t think so (that Angel minds). Siguro kasi when they started off, ganun na kami (ni Luis), so hindi siya nabigla,” sabi ng aktres.

Samantala, hindi naniniwala ang Fil-Australian actress sa mga tsismis na nagsasabing ang pagkakapanalo umano niya ng best actress award sa nakaraang Metro Manila Film Festival ay may daya. Sinasabi kasi na binili umano ng Viva, kung saan cotract artist si Anne, ang tropeo. “If that was true, bakit walang lumabas na issues or write ups about it? I think that’s why I was so happy na parang no one went against it nung nanalo ako ng best actress. Hindi kinontra ng kahit sino. The board and judges of Metro Manila Film Festival are credible. Deadma (ako sa tsismis). I don’t care,” ani Anne.

Inamin din ni Anne ngayon na wala siyang manliligaw at hindi siya nakikipag-date pero bukas siya sa posibilidad ng bagong pag-ibig.