Unti-unti'y tinatayang nanghihina na ang katawan ng dating pangulo na si Cory Aquino. Kahapon, napabalitang mula sa kanyang colon ay nag-umpisa na ring maapektuhan ng cancer cells ang atay niya at gawa na rin ng maselang kondisyon niya ito'y pinayuhan na rin daw di umano ito ng mga doktor na huwag nang sumailalim ng chemotheraphy dahil baka mas makasama lamang ito sa kondisyon niya. Patuloy man ang mga manipestasyon ng panganib sa kalagayan ng 76 na taong gulang na dating pangulo ngayon, nananatili pa rin daw buhay na buhay ang pag-asa ng pamilya at mga kaibigan niya. Di pa rin nagpapatinag ang malawakang pagdarasal ng buong mundo kaugnay ng pagbuti ng kondisyon ng minsan nang naging ina ng ating bansa't naging pangunahing simbulo ng ating demokrasya. Kaugnay rin nito, kanina sa SNN ay nagpaunlak ng isang maikling pahayag si Aga Muhlach upang iparating ang kanyang pakikisimpatya sa mabuting kaibigan na si Kris Aquino at buong nitong pamilya na sama-samang lumalaban sa tila malaking dagok na pinagdadaanan nila ngayon. "Hi Kris, I know how it feels. Just hang in there. We are praying for your family and for your mom. Basta hang in there" maikling comforting message ni Aga sa kaibiga't katrabahong sa mga oras na ito'y mas minabuti nang maglaan ng oras kasama ang buo niyang pamilya, partikular na ang nagaagaw-buhay na ina.
Related Articles