Willie Revillame at Ruffa Gutierrez nagbistuhan ng love life ng isa’t isa |
| by Bernie Franco | October 05, 2009 12:10 AM | |
Nagkabistuhan noong Sabado, October 3, sa Wowowee sina Willie Revillame at Ruffa Gutierrez hinggil sa estado ng kani-kanilang love life. Naging guest ang actress-host sa Willie of Fortune portion ng noontime show ng Kapamilya network.
Sinimulan ni Ruffa ang nakatutuwa at nakaiintrigang bistuhan nila ni Willie nang sinabi niyang maraming nililigawan si Willie at panay ang pagpapadala nito ng bulaklak at prutas sa mga napupusuan.
Humirit naman ang Wowowee host nang sinabi nitong hindi siya naniniwala na walang boyfriend ngayon si Ruffa. Bandang huli ay binisto na niya ang The Buzz host na minsan umano ay hiniram ng anak niyang si Meryll Soriano ang kanyang yacht para sa party ng I Love Betty La Fea cast kung saan magkakasama sina Meryll, Ruffa at John Lloyd Cruz na nail-link sa actress-host.
Dagdag pa ni Willie, noong araw na hiniram ng anak ang kanyang yacht ay pinuntahan siya ni Annabelle Rama at itinanong kung magkasama ba sina Ruffa at John Lloyd sa yacht nito. Hindi naman ito ipinagkaila ni Ruffa subalit sinabi niyang 20 tao silang magkakasama at hindi lamang silang dalawa ni Lloydy.
Sa puntong iyon ay ibinisto ni Ruffa na nagpapadadala ng bulaklak at prutas si Willie sa aktres na si Lorna Tolentino. Subalit itinanggi naman ito ni Willie at sinabing baka makasama ang sinabi ni Ruffa sa tunay niyang nililigawan. Bandang huli, parehong itinanggi ng dalawa ang paratang nila sa isa’t isa.
Related Link and Articles
