Maugong ang bali-balitang nagsasabing madalas mamataang nagpapa-check up sa isang ospital ang Asia’s Songbird na si Regine Velasquez; at bunsod na rin nito, kaagad namang naikakabit ng marami ang hinalang kasalukuyang dinadala ni Regine sa kanyang sinapupunan ang anak nila ni Ogie Alcasid.

Sa isang maikling panayam kanina sa SNN, mariing pinabulaanan ni Regine ang nasabing intriga. Hindi naman niya itinangging madalas siya magpa-check up nitong mga nakaraang araw; ngunit taliwas sa speculation ng iba, hindi raw ito bunsod ng sinasabi nilang pagbubuntis di umano niya. Sa kasalukuyan raw kasi, under medication siya to treat her worsening migraine. Paliwanag pa nga niya sa naturang kondisyon, “Kung hindi kasi maaagapan, pwedeng maging serious...”

Kaugnay naman ng paulit-ulit na pagbabato sa kanya ng intriga kaugnay ng pagbubuntis, idinaan na lamang sa tawa at biro ni Regine ang lahat. “Akala nila buntis ako, tumaba pa naman ako... Hindi pa naman (laughs).”

Related Articles

• Regine Velasquez says she is not insecure with Sarah Geronimo
• Regine Velasquez confirms that she had AH1N1