Sinabi ni Kris Aquino kahapon sa The Buzz na humingi muna siya ng space mula sa asawang si James Yap upang makapag-isip. “I’ve tried. God knows I’ve tried,” malamang pahayag ni Kris. “In all fairness to James he has also tried. But maybe in my opinion, not hard enough. Where do we stand now? Nakiusap ako sa kapatid ko na si Pinky if we could stay with them. I’m taking my two sons with me to stay with Pinky not only because I need time and space to think, but we live in one village.”
Nilinaw ni Kris na hindi naman ito nangangahulungang hiwalay na sila. “In my heart I still want it to work. I want it to work because, number one, I will forever be grateful to James dahil pinakasalan niya ako, na he loved me enough to marry me. But I want it to work because Baby James deserves a mother and a father but he doesn’t deserve this gulo. So kailangan maayos ko, maayos ni James, ayusin namin ang isa’t isa before we can expect na maging okay kami,” paliwanag ni Kris.
“I am not dehumanizing James. The fact that I’ve stayed with him for almost five years must prove to all of you mahal ko siya. Kaya lang hindi puwedeng ako lang ang nagmamahal. Hindi rin naman puwedeng ako lang ang umiintindi. Kumbaga sa basketball the ball is now in his hands,” pahayag ng actress-host. Hindi rin umano sa lahat ng pagkakataon ay siya dapat ang manatiling matatag, kundi si James din.
Naibahagi pa nga ni Kris na sa kanyang trabaho, ang kissing scenes at intimate scenes ay tinanggihan niya para hindi ito pagmulan ng alitan nila ng asawa. Kung kaya’t hangad niya na hindi rin siya bigyan ng dahilan ni James na magduda siya. “Gusto mo naman ng assurance na mahal ka, nirerespeto ka and hindi ka niloloko,” ani Kris. “Ako pwede kong ipagmalaki, I have never given him any reason whatsoever to doubt my fidelity. I just want the same thing in return.”
Paglilinaw ni Kris, minahal niya si James at mahal pa rin niya ito at alam din umano ni James ito. Pero dahil sa mga nangyayari, nararapat lamang umano na bigyan muna nila ang isa’t isa ng panahon para makapag-isip. Nasambit din ni Kris na noong nakaraang Pasko ay umalis ng bahay si James upang magmuni-muni at hindi niya ito pinigilan. “Hindi rin naman masama na hingin ko ngayon na patunayan niya sa akin that this marriage is worth it. Kailangan sa kanya manggaling (and) make me feel I am your wife that you’re a responsible, a loving husband and this marriage has a future.”
Sabi pa ni Kris umaasa siya na sa pamamagitan ng space sa isa’t isa ay maayos nila ang mga sarili. “I’m not saying this is a period. I am not saying this is the end of the road. I am really hoping and praying na maayos naming lahat pero kailangan ko rin ng space for me kasi bugbog na bugbog na ako.”
Malaking tulong din umano na mayroon silang solid support system dahil kahit anong oras ay maaaring tawagan ni James si Noy dahil mas komportable umano siya na kausap ang kapatid ni Kris at malaking bagay na nalalapitan ni Kris ang kanyang tatlong kapatid na babae na maayos ang kani-kanilang buhay pamilya.
Related Link and Articles
