Sumalang noong Linggo sina Martin Nievera at Pops Fernandez sa The Buzz Tough Ten kung saan naging vocal ang isa’t isa sa mga tanong sa kanilang kasalukuyang relasyon. Bilang Concert King and Queen parehong napisil ng dating mag-asawa sina Sarah Geronimo at Erik Santos na maaaring pumalit sa kanilang mga trono.

Inamin din ng dalawa na may naramdaman sila para sa isa’t isa nang magkaroon sila ng kissing scene para sa isang music video na ipalalabas sa kanilang upcoming Valentine concert. Honest ding inamin ni Pops na nakaramdam siya ng panghihinayang sa paghhihiwalay nila ni Martin. “When we decided to get married, every woman naman when they get married they wanted it to be a forever thing. Lalo na sa akin I come from a broken family so gusto ko nung ikinasal kami sana ito na ‘yon. Kumbaga tatanda kami together pero okay na rin kasi magkaibigan kami,” kuwento ni Pops.

Kinumpirma naman ni Pops na on good terms na silang muli ng dating boyfriend na si Jomari Yllana. “Okay in the sense na finally nag-uusap na kami. Pero ‘yung mga serious usap hindi pa. Kasi nga tamang-tama Bagong Taon, so di ba dapat you leave all the pains behind?” ani Pops.

Sa lahat naman ng na-link kay Pops, pinakagusto umano ni Martin si Piolo Pascual na nakasama rin nila sa ASAP. Kuwento pa nga ni Martin, sinabihan pa niya si Piolo na gusto niya ito para kay Pops. “Siya lang because he’s such a nice guy. There was a little konting a little chismis lang (noon tungkol sa kanila). I approved (of him), good looking, God-fearing, everything,” ani Martin.

Sana rin daw ay hindi muna mag-asawa ang kanilang dalawang anak, si Robin at Ram at nais nilang mag-enjoy muna sila sa kanilang mga buhay. “After whatever happened in our lives, siyempre ngayon nari-realize ko dapat yata nga mas mag-enjoy muna ang mga anak namin. Madami pa sila dapat ma-experience tapos madaming gawin bago sila mag-decide to be with someone,” sabi pa ni Pops.

Related Links and Articles

• Martin Nievera’s advice to Pops Fernandez: ‘If it’s meant to be, maybe he’ll come back to you’
• Martin Nievera reacts on his ‘meddling’ in Pops Fernandez and Jomari Yllana’s affair
• Pops Fernandez clueless on the real reason she and Jomari Yllana broke up
• ABS-CBN's ASAP 'XV
• ASAP 'XV Multiply Site