Kapana-panabik kung paano magtatapos ang teleseryeng Tayong Dalawa na pinagbidahan nina JR (Gerald Anderson), Dave (Jake Cuenca) at Audrey (Kim Chiu) na magtatapos ngayong gabi. Patuloy pa rin ang mataas na ratings ng teleserye lalo na ngayong matutuldukan na ang istoryang napamahal sa libo-libong fans. At para sa hindi malilimutang pagtatapos ng teleserye, magtatagal ng isang oras ang huling yugto ng Tayong Dalawa na halos isang taon na isinadula ang isang istoryang sinundan ng mga manonood. Dahil pa nga sa taas ng ratings ng Tayong Dalawa ay nagkaroon pa ito ng extension sa page-ere sa telebisyon. Sinasabing malaking milestone ang Tayong Dalawa sa programang panggabi dahil bukod sa magandang storya, ay pinagsama-sama rito ang mga sikat na artista at ang mga pinarangalang mga aktor at aktres ng nakaraan at kasalukuyang panahon. Sa pagtatapos ng Tayong Dalawa ay ang pagsisimula naman ng Koreanovela adaptation na Lovers In Paris na pinagbibidahan nina Piolo Pascual at KC Concepcion sa Lunes, September 28.
Related Links and Articles