‘Tao Po’ : Lalaking lulong noon sa iligal na droga, pastor na ngayon

Full time pastor sa isang simbahan sa Marikina si Jose Arnel Dagami. Bukod sa pagiging pastor, janitor at ahente rin siya.

ABS-CBN News

Full time pastor sa isang simbahan sa Marikina si Jose Arnel Dagami. Bukod sa pagiging pastor, janitor at ahente rin siya.Hindi itinuturing ni Pastor Jose na trabaho ang pagiging pastor. Ito aniya ay pagsunod sa kagustuhan ng Diyos para sa kanyang buhay. &quot;‘Yong mag pi-preach ka o nag-she-share ka ng message ng God, ‘yong word of God, &#x27;yun kasi ang magbibigay sa &#x27;yo nang gabay para maiwasan mo &#x27;yung mga bisyo at tuluyan ka nang magpatuloy sa magandang landas.&quot;Masalimuot ang nakaraan ni Pastor Jose. Dati siyang nalulong sa masamang bisyo at nakulong din dahil sa pagnanakaw. Nagawa niya ang lahat ng ito dahil sa pilit na pagtakas sa mga problema sa pamilya.   Kwento ni Jose: &quot;Noong nakapag-try ako parang sa una balewala pero parang sigarilyo rin kasi, e, parang meron kang something na lagi mong gusto. Nagsarili ako, hindi na ako umuuwi sa bahay. Kapag sweldo ayon nauuwi lang din sa hindi magagandang ano.&quot;Nagawa na rin ni Pastor Jose at ng mga kaibigan na magbenta ng gamit mula sa pinapasukang trabaho para lang matustusan ang bisyo.&quot;Nag-imbestiga na sila sa mga nawalang gamit ‘yon nakakuha sila ng mga witness, mga pinagbentahan. Sinampahan po kami ng kaso, ako po yung unang nahuli. Early 1991 po &#x27;yun ako nakulong.&quot;Sa loob ng kulungan unang beses naipakilala sa kanya ang Diyos.Sa walong taon niyang paggamit ng iligal na droga, mahirap na umano para sa kanya na takasan ang nakasanayan. Isang malaking himala na lang umano ang makapagpapatakwil sa kanya sa bisyo.&quot;Pagsapit ng 1999 may nainda na kong sakit... Dumating na sa point na kahit sa pag-inom, &#x27;yung baso ng tubig hindi ko na mabuhat. ‘Yun na &#x27;yung nag start sa &#x27;kin na mag-trigger. Nagtaimtimtim ako, nag-pray ako sa time na ‘yun. &#x27;Panginoon bigyan niyo pa ako ng pag-asa makabangon at susundin kita.; Parang &#x27;yun na lang ang nasambit ko.&quot;Dininig naman ang kanyang dalangin dahil ang dating lantang-gulay na katawan unti-unting bumuti ang kalagayan.Tinupad naman niya ang pangako sa Diyos at nagbalik-loob sa simbahan.&quot;Iba kasi &#x27;yung feeling na nakabalik ako sa church kasi in-offer-an ako na magtugtog doon. Since nakatira ako sa church, naging janitor ako doon. Tagalinis ako ng church, mga upuan, lahat-lahat. Parang maintainance ako tapos kapag may bible study kami, kasama ako nung head pastor. Hanggang sinabi ng pastor, &#x27;Kaya mo na bang mag full-time kasi pag pumasok ka na dito, tuloy-tuloy na &#x27;yan.&quot; &#x27;Yun na po ang start.&quot;Patunay ang kwento ni Pastor Jose na hindi pa nga talaga huli ang lahat. Ang bawat isa sa atin ay laging may pagkakataon para bumawi sa mga pagkakamali at maging mabuting tao para sa ating kapwa, sa ating pamilya at para sa diyos na sa ati’y lumikha.Ulat ni Bernadette Sembrano para sa programang Tao Po. (March 31, 2024)Mapapanood ang mga episode ng Tao Po <a href="https://www.youtube.com/playlist?list=PLgyY1WylJUmgJfSjdftIdc0f8ZzOjCOec">dito</a>.

Full time pastor sa isang simbahan sa Marikina si Jose Arnel Dagami. Bukod sa pagiging pastor, janitor at ahente rin siya.