Metro Manila dapat manatili sa GCQ: San Juan mayor

ABS-CBN News

<p>Naniniwala si San Juan City Mayor Francis Zamora na dapat manatili sa ilalim ng general community quarantine ang Metro Manila sa harap ng patuloy na laban kontra COVID-19.</p><p>Ayon kay Zamora, hindi dapat madaliin ang pagbababa ng quarantine status sa Metro Manila, na itinuturing na virus epicenter o lugar kung saan may pinakamaraming kaso ng respiratory illness.</p><blockquote class="twitter-tweet"><p dir="ltr" lang="tl">Metro Manila dapat pa ring manatili sa gcq, ayon kay San Juan Mayor Francis Zamora <a href="https://t.co/R737MND9Yo">pic.twitter.com/R737MND9Yo</a></p>— Henry Atuelan DZMM (@RadyoPatrol44) <a href="https://twitter.com/RadyoPatrol44/status/1299882754209800194?ref_src=twsrc%5Etfw">August 30, 2020</a></blockquote><div><script async="" src="https://platform.twitter.com/widgets.js" charSet="utf-8" type="text/javascript"></script></div><p>&quot;Ang aking rekomendasyon sa Metro Manila Council ay manatili tayo sa GCQ sapagkat halos 2 linggo pa lamang naman mula nang bumabalik tayo sa GQC mula nang nanggaling tayo sa MECQ (modified enhanced community quarantine),&quot; sabi ngayong Linggo ni Zamora sa gitna ng paggunita ng ika-124 anibersaryo ng Araw ng Pinaglabanan.</p><p>Ayon kay Zamora, kailangang balanse ang pagtugon sa problemang dala ng COVID-19 at takbo ng ekonomiya, na pareho aniyang nagagawa sa ilalim ng GCQ.</p><p>Bumalik sa GCQ ang Metro Manila simula Agosto 19 matapos ang 2 linggong MECQ, na hiniling ng health workers.</p><p>Hanggang Agosto 31 lamang ang GCQ ang Metro Manila kaya inaasahang maga-anunsiyo ang gobyerno ng bagong quarantine status.</p><p>Samantala, sa tala ng San Juan, nasa 516 ang active COVID-19 cases sa lungsod.</p><p>Nakatakdang magpulong ngayong Linggo ang Metro Manila Council para pag-usapan ang quarantine status ng capital region pagkatapos ng Agosto 31, ani Zamora.</p><p>Sa huling tala ng Department of Health, umabot na sa higit 213,000 ang kabuuang bilang ng mga nahawahan ng COVID-19 sa Pilipinas.</p><div><strong>-- May ulat ni Henry Atuelan, ABS-CBN News</strong></div>

<p>Naniniwala si San Juan City Mayor Francis Zamora na dapat manatili sa ilalim ng general community quarantine ang Metro Manila sa harap ng patuloy na laban kontra COVID-19.</p>

Naniniwala si San Juan City Mayor Francis Zamora na dapat manatili sa ilalim ng general community quarantine ang Metro Manila sa harap ng patuloy na laban kontra COVID-19.