Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Retrato mula sa Bureau of Fisheries and Aquatic Resources-Eastern Visayas
Kinumpiska ng mga awtoridad nitong Sabado ang higit 8 toneladang Capiz shells sa isang pantalan sa Ormoc City dahil umano sa kakulangan ng mga hinihinging dokumento.
Nakasilid ang Capiz shells sa mga sakong nakakarga sa isang truck nang masita sa pantalan sa Barangay Punta. Galing umano ito sa Sorsogon at isasakay sana ng barge papuntang Mandaue, Cebu.
Pero wala umanong sapat na dokumentong naipakita ang driver at pahinante ng truck kaugnay sa kargamento.
Napag-alamang ang nakalagay sa auxiliary permit ay aabot lang sa 1.5 tonelada ang kargamento, gayong sa pagbibilang ng mga awtoridad ay umabot ito sa 8.4 tonelada.
Kinumpiska ito ng mga awtoridad dahil sa paglabag sa Fisheries Administrative Order 157, na nagbabawal sa pagkuha at pagkolekta ng Capiz shells nang walang permit.
Iniimbestigahan ngayon kung sino ang may-ari ng Capiz shell, na karaniwang ginagamit sa paggawa ng mga dekorasyon.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
Our website is made possible by displaying online
advertisements to our visitors. Please consider supporting
us by disabling your ad blocker on our website.
Our website is made possible by displaying online
advertisements to our visitors. Please consider supporting
us by disabling your ad blocker on our website.
