Have faith that there is reward in waiting and listen to Inigo’s “Balang Araw” in ABS-CBN Star Music’s YouTube channel and on various music streaming platforms!
Tungkol sa paghihintay sa tunay na pag-ibig
Naniniwala si Inigo Pascual na dumarating ang pag-ibig sa tamang panahon sa kanyang bagong single na "Balang Araw," na iprinodyus sa ilalim ng Star Music.
"Lahat tayo umaasa para sa isang tao na makakasama natin habambuhay. Naghihintay tayo, umaasa, at hinahanap 'yung tao na 'yun," paliwanag ni Inigo.
Ayon sa multi-talented artist, na ibinahagi sa Twitter kung gaano kahalaga ang kanta para sa kanya, ang "Balang Araw" ay tungkol sa pag-asa at pagtitiwala. "Maniwala lang sa proseso at isipin mo na isang araw, darating din 'yung tao na 'yun. Balang araw."
Inilabas na ang music video ng kanta nitong Lunes (June 8) na idinirek mismo ni Inigo katulong ang driver niya at kinunan sa bahay niya.
Isinulat ni Inigo ang lyrics at musika ng "Balang Araw," sa ilalim ng produksyon ni Kidwolf at ABS-CBN Music creative director Jonathan Manalo. Sinundan nito ang 2018 birthday single niya na "Lumang Tugtugin," pati na ang mga international collaboration niya noong 2019 kasama ang top vlogger ng Australia na si Wengie para sa “Mr. Nice Guy” at “Adios” kasama ang Singaporean urban artist na si Akasha.
Umani naman ng magagandang reaksyon ang awitin, kabilang na mula kay Songbird Regine Velasquez-Alcasid na ibinahagi sa Instagram kung gaano niya nagustuhan ang kanta.
“So [I’ve] been listening to a lot of OPM songs and I just love it. Here’s one that I’ve been playing over and over. #BalangAraw by @inigopascual,” sabi niya.
Hindi naman napigilang kiligin ni Inigo dahil sa reaksyon ng Songbird, kaya nagpasalamat siya sa Twitter kasama ang screenshot ng IG post nito. “’Yung pangarap mo lang dati na marinig ng mga idol mo na singer ‘yung kanta mo… Thank you Miss Regine!” aniya.
Natuwa rin ang fans sa bagong single. “Sobrang ganda! Love the arrangement, ganda nung bridge with just his beautiful voice, kaka-LSS,” comment ni Jay Oppie sa lyric video ng kanta sa YouTube.
“A really, really beautiful song. There is love and pain but full of hope,” dagdag ni Jennifer Estrada.
Kamakailan lang ay inilunsad din ni Inigo ang international single niyang "Should Be Me" sa ilalim ng Tarsier Records. Nakakuha rin siya ng dalawang nominasyon sa MYX Awards 2020— ang Artist of the Year at Music Video of the Year para sa “Options.”
Maniwala na may magandang kahihinatnan ang paghihintay at pakinggan ang "Balang Araw" ni Inigo sa ABS-CBN Star Music YouTube channel at sa iba pang music streaming platforms. Para sa updates, i-like ang Star Music sa Facebook (www.facebook.com/starmusicph) at sundan ito sa Twitter at Instagram (@StarMusicPH).