ABS-CBN president and chief executive officer (CEO) Carlo Katigbak assured lawmakers that public officials will be able to to air their side on issues raised against them in ABS-CBN’s various news platforms.
Tiniyak ni ABS-CBN president at chief executive officer (CEO) Carlo Katigbak sa mga mambabatas na bibigyan ang mga opisyal ng gobyerno ng pagkakataon na ipahayag ang kanilang panig sa mga isyung ipinupukol laban sa kanila sa iba’t ibang mga plataporma ng ABS-CBN News.
“I would like to make a public commitment that any public official will be given airtime on ABS-CBN to express their side. That is a commitment by the owners, the management, and we are instructing our organization today to take note of this instruction,” aniya sa pagharap ng network sa mga alegasyon ng media bias kahapon (Hulyo 6) sa House of Representatives.
Dagdag ni Katigbak, batid nila na may mga bagay na dapat ayusin at baguhin sa kanilang kumpanya.
“Alam po namin na maraming kailangan ayusin, i-reform sa ABS-CBN, at handa po kaming gawin lahat ‘yan mabigyan lang po ng pagkakataong ituloy ang operation po ng ABS-CBN,” Katigbak said
Ang mga isyung ito ay tinalakay sa ika-12 at huling pagdinig ng House Committee on Legislative Franchises at Committee on Good Government and Public Accountability sa prangkisa ng ABS-CBN.
Sinabi ni ABS-CBN News head Ging Reyes na mayroon silang mekanismo tulad ng independent network ombudsman, standards at practices unit, at isang third-party monitoring para masiguradong susundin ng mga journalist ang pinakamataas ng pamantayan sa pamamahayag.
Paliwanag niya, ang opisina ng network ombudsman, na ngayon ay pinamumunuan ng dating Supreme Court associate justice na si Jose Vitug, ang siyang tumatanggap, nag-iimbestiga, at gumagawa ng rekomendasyon sa mga reklamo laban sa mga taga-ABS-CBN News. Direkta itong nagre-report sa ABS-CBN board.
Nilinaw naman ni Kapisanan ng mga Brodkaster ng Pilipinas (KBP) president Ruperto Nicdao Jr. hindi lang ABS-CBN ang nagkakamali sa industrya ng brodkast. Sabi rin niya na agad inaaksyunan ng ABS-CBN ang mga reklamo dito na inihain sa KBP.
“Ang maganda naman po sa ABS-CBN basta nagkaroon ng ganung kaso either ni-reresolve po nila, and if they make the mistake they promise to reform. At nangyari po as I have said, 2013 po ‘yung latest case namin. Hanggang ngayon po, wala na pong naging kaso na umabot po doon sa hearing pa. So they’ve always try to correct whatever mistake they have done,” pahayag ni Nicdao.
Samantala, nanawagan ang National Union of Journalists of the Philippines (NUJP) sa Kongreso na bigyan na ng prangkisa ang ABS-CBN dahil sa kabila ng mga pagkukulang nito, mas makabubuti raw ang magpatuloy ito sa operasyon kaysa sa magsara.
“We believe that the ABS-CBN should be given an opportunity to correct its mistakes it openly admits and promises to rectify. We appeal to the House of Representatives and to the honorable members of the two committees to exercise their magnanimity and sense of common good in coming out with a decision favorable not just to the owners of the company, but its thousands of workers including journalists and media workers,” sabi sa binasang pahayag ni NUJP deputy secretary general Raymund Villanueva.