Tuloy-tuloy ang party fever sa
"ASAP Natin 'To" dahil sa panibagong world-class acts mula sa paborito ninyong Kapamilya stars, tulad ng Miley Cyrus transformation ni Maymay Entrata, kilig treat mula sa DonBelle, new single performance ng BGYO, all-star birthday number mula kay Erik Santos, at marami pang iba ngayong Linggo (Oktubre 10) sa Kapamilya Channel, A2Z, at TV5.
Pang-international ang datingan ni Maymay Entrata sa kanyang Miley Cyrus transformation sa panibagong edisyon ng "ASAP Transformation."
Maki-party naman sa '90s and early 2000s kantahan at sayawan mula sa inyong ASAP family, kasama sina Edward Barber, Robi Domingo, Janella Salvador, Enchong Dee, Jeremy Glinoga, Nyoy Volante, Nina, at iba pa.
Umaatikabo naman ang sayawan mula sa dance hotties na sina AC Bonifacio at Loisa Andalio, kasama ang TikTok star na si Argie Roquero sa "ASAP Discoveries," habang balik ASAP stage naman ang BGYO para sa kanilang bagong single na "When I'm With You."
Handa namang magpakilig ang mga paborito ninyong Kapamilya loveteam, tulad ng sweet duet mula kina Donny Pangilinan at Belle Mariano, at ang mainit na dance number nina Ronnie Alonte at Loisa Andalio.
Maantig naman sa handog na dream fulfillment musical treat mula sa winning singers na sina Jed Madela, Jason Dy, Kyla, Klarisse de Guzman, JM Yosures, Reiven Umali, Anthony Castillo, Sam Mangubat, vocal trio iDolls, at Asia's Songbird Regine Velasquez.
At makisali sa all-star birthday blowout ni Erik Santos kasama ang mga bigating OPM idol na sina Ogie Alcasid, Angeline Quinto, Darren, KZ, Jason Dy, Zsa Zsa Padilla, at Regine Velasquez.
Huwag na huwag palalampasin ngayong Linggo ang mga panibagong world-class treat mula sa longest-running musical variety show sa bansa, ang "ASAP Natin 'To," 12 ng tanghali sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide via TFC. Para mapanood ito sa TV5 at A2Z, i-rescan lang ang digital TV box na ginagamit sa bahay, gaya ng TVplus.
Para sa updates, sundan ang @abscbnpr sa Facebook, Twitter, at Instagram o bisitahin ang
www.abs-cbn.com/newsroom.