News Releases

English | Tagalog

“Star Magic Likes Bikes," bagong ABS-CBN show sa YouTube

November 09, 2021 AT 06:44 PM

Mas maraming good vibes at bonding experiences ang libreng mapapanood sa “Star Magic Likes Bikes,” ang pinakabagong ABS-CBN show sa YouTube na magsisimula na bukas (Nobyembre 10).
 
Dito, makaka-bonding ng mga Star Magic artist na mahilig mag-motor si Rica “Jet Lee” Cabarrubias, isang sikat na motovlogger at ang pinakabatang female motorcycle enthusiast ng Cebu. Ibabahagi rin nila ang mga payo sa pag-aalaga ng motor, ang kwento kung paano nila ito kinahiligan, at ang masasaya nilang mga karanasan bilang isang biker.
 
Samahan si Zanjoe Marudo sa unang episode nito sa Star Magic YouTube channel, at abangan ang mga kwento nina Dominic Ochoa, Paulo Angeles, Kirst Viray, at marami pang iba sa mga susunod na episodes.
 
Samantala, napapanood pa rin sa “Mashing Machine” ang kakaibang love teams sa pagtatagpi-tagpi nito ng mga eksena mula sa iba’t ibang teleserye. Streaming na ngayon ang “Crazy in Love With You” episode nina Ian Veneracion at Dimples Romana tampok ang mga karakter nilang sina Anton at Daniela mula sa “A Love to Last” at “Kadenang Ginto.” Malapit na ring mapapanood ang pagtatambal nina Kathryn Bernardo, James Reid, at Enrique Gil sa “My Hokage Love,” Nadine Lustre at Daniel Padilla sa “She’s Dating The Stalker,” Donny Pangilinan at Belle Mariano sa “Puppy Love,” at Liza Soberano at Daniel sa “Love at First Budol” sa ABS-CBN Entertainment YouTube channel tuwing Lunes, 6 PM.
 
Sa travel show na “Hello World” naman, maglilibot sina André Brouillette, Fumiya Sankai, at Gabby Sarmiento sa mga palengke sa USA, Japan, at Italy para bumili ng items na magugustuhan ng kanilang mga ina sa halagang P1,000 lamang. Makayanan kaya nila ang challenge? Abangan sa Huwebes (Nobyembre 11), 5 PM sa Star Magic YouTube channel.
 
Ang “Made for YouTube” shows na ito ay bahagi ng lumalaking “Kapamilya YOUniverse,” ang pagsasama-sama ng iba’t ibang YouTube channels ng ABS-CBN para maghatid ng entertainment, musika, pelikula, at balita. Ang ilan sa “Made for YouTube” titles na ekslusibong napapanood sa YouTube ay ang “Happy Pill,” “Secret Movie Files,” “IQ Ang Nagwagi,” “MMK Shorts: Beyond the Lens,” “It’s Showtime All Access,” “Chikatitas,” “The Music Room,” “He’s Into Her Extras,” “Gold School,” “Dear MOR,” “Gapnud sa Kinabuhi,” “Bedtime Stories,” at “MOR Playlist.”
 
Tumuloy na sa “Kapamilya YOUniverse” sa YouTube at mag-subscribe sa ABS-CBN Entertainment, ABS-CBN Star Magic, ABS-CBN Star Cinema, ABS-CBN Star Music, MOR Entertainment, ABS-CBN News, ABS-CBN It’s Showtime, at One Music PH.