Local at global artists bibida sa MYX Awards 2021

Nakakabilib na performances ng mga bigating artists mula sa iba’t ibang panig ng mundo ang dapat abangan sa MYX Awards 2021 na magaganap na sa darating na August 7 (Sabado), 8pm.
 
Syempre bibida ang Pinoy talents na Ben&Ben, BGYO, Ebe Dancel, Inigo Pascual, Kiana V, Leanne & Naara, Maris Racal, Nameless Kids, Rico Blanco, SB19, Zild, at SB19 sa mga pinaghandaang performances na mapapanood sa #MYXAwards virtual stage. Dapat ding abangan ang magiging special number nina KZ Tandingan, Bayang Barrios, Cooky Chua, Noel Cabangon, at Yeng Constantino.
 
Di naman papahuli ang mga foreign acts na LANY, AJ Mitchell, Alec Benjamin, Clinton Kane, Jack Kays, James TW, Joel Corry, John K, JP Saxe, Lukas Graham, MAX, Maximillian, New Hope Club, Ritt Momney, T1419, Tom Grennan, Valley, Pink Sweat$, at Ed Sheeran sa paghahatid ng kanilang musika.
 
Si Edward Barber ang magsisilbing host ng inaabangang musical event kasama ang MYX VJs na sina Ai dela Cruz at Samm Alvero. Mapapanood ito ng live sa MYX Global accounts sa Facebook, kumu, TikTok, Twitter, at YouTube.
 
Makakasama rin sina Luis Manzano, Gerald Anderson, James Reid, Maymay Entrata, Kyle Echarri, at Ogie Alcasid, at ilan pang sorpresang celebrities bilang presenters ng awards.

 

Muling kikilalanin ng MYX Awards ang mga paboritong artists at music videos ng Pinoy fans base sa fan votes (60%) at artist poll (40%). Pangangalanan din ang magiging MYX Magna awardee ngayong taon.
 
Sa unang pagkakataon ay igagawad ang Kumu Music Streamer of the Year special award para sa pinakasikat na music streamer sa Pinoy community app na kumu.

Huwag palampasin ang #MYXAwards2021 na magaganap na sa August 7 (Sabado), live sa social media accounts ng MYX Global. Magkakaroon din ito ng television premiere sa darating na August 14 (Linggo) sa MYX via SKYcable ch. 23 at Cignal ch 150. Facebook, YouTube, Twitter, kumu, TikTok, and Instagram.