Moira, nanalo sa apat na kategorya kasama ang Album at Song of the Year
Nagningning ang Kapamilya artists sa larangan ng musika matapos nitong makatanggap ng 17 parangal mula sa 2022 PMPC Star Awards for Music.
Napanalunan ni Moira Dela Torre ang Album of the Year para sa Star Music-produced album na “Patawad,” Song of the Year at Female Recording Artist of the Year para sa “Paubaya,” at Collaboration of the Year para sa kantang “Beautiful” kasama si Ogie Alcasid.
Inuwi naman ni Daniel Padilla ang Male Concert Performer of the Year para sa kanyang digital concert na “Apollo” na produced ng Star Events ng ABS-CBN. Napanalunan din ni Ogie ang parehong parangal para sa kanyang concert na “Kilabotitos” habang ang Asia’s Songbird at “ASAP Natin ‘To” host na si Regine Velasquez ay kinilala bilang Female Concert Performer of the Year para sa “Unified.”
Panalo rin si “It’s Showtime” host Kim Chiu na pinangalanang Novelty Artist of the Year para sa kanyang Star Pop single na “Bawal Lumabas” na nanalong Novelty Song of the Year.
Kinilala naman ang music heartthrobs na sina Inigo Pascual at Sam Concepcion bilang Male Pop Artist of the Year. Nagwagi si Inigo para sa kanyang single na “Lost” samantalang si Sam ay nanalo para sa kantang “Loved You Better.”
Hindi rin nagpahuli ang “A Family Affair” lead star na si Ivana Alawi at ang kanyang awitin na “Sana All” na kinilala bilang Dance Recording of the Year habang si “Teen Clash” actress at singer Jayda Avanzado ay kinilala bilang Female Pop Artist of the Year para sa kantang “Sana Tayo Na.”
Kasama rin sa mga nagwagi mula sa ABS-CBN Music ang ““Teka Teka Teka” ni Christi Feder (New Female Recording Artist of the Year), “Sa Huling Pagkikita” ng Agsunta at “Diyosa ng Kaseksihan” ni Cool Cat Ash (Rock Artist of the Year), “Dungo” ni Davey Langit (Folk/Country Recording of the Year), “Better Weather” ni Leila Alcasid (R&B Album of the Year), at “Corners” ni Kiana Valenciano (Female R&B Artist of the Year).
Bukod sa mga nasabing parangal, nakuha ni Kyle Echarri ang People’s Choice Awards Dance Recording of the Year para sa kantang “I’m Serious.” Kinilala rin si Kokoy De Santos bilang People’s Choice Awards New Male Artist of the Year para sa kanta niyang “Lagi-Lagi.”
Ginawaran naman ang “Amakabogera” singer na si Maymay Entrata ng dalawang special awards—ang Celebrity of the Night at Hitmaker of the Year.
Para sa news and updates sa ABS-CBN, i-follow ang @abscbnpr on Facebook, Twitter, Instagram, at Tiktok o pumunta sa www.abs-cbn/newsroom.