Botohan para sa Fave Game/Reality Show, bukas na rin!
Tuloy-tuloy pa rin ang laban ng angat sa Pinoy entertainment base sa boses ng fans, dahil bukas na rin ang botohan para sa iba pang kategorya sa “Jeepney TV Fan Favorite Awards.”
Magagaling na Kapamilya hosts ang nominado sa “Fave Talk Show Host” award, kabilang na sina Boy Abunda, Jhai Ho, Kris Aquino, ‘Momshies’ Jolina Magdangal at Melai Cantiveros, Martin Nievera, Sharon Cuneta, at Vice Ganda.
Nakakuha rin ng nominasyon sina Kris at Vice para sa “Fave Game/Reality Show Host” category kasama sina Bianca Gonzalez, Edu Manzano, Judy Ann Santos, Luis Manzano, at Robi Domingo.
Kasama rin si Vice sa maglalaban-laban para sa “Fave Musical/Variety Show Host” award pati na ang kanyang kapwa “It’s Showtime” hosts na sina Amy Perez, Anne Curtis, Jhong Hilario, Karylle, Ogie Alcasid, at Vhong Navarro. Nominado rin ang “ASAP Natin To” regulars na sina Gary Valenciano, Martin Nievera, Regine Velasquez-Alcasid, Sarah Geronimo, at Zsa Zsa Padilla.
Samantala, anim sa mga minahal na game at reality shows ng ABS-CBN na “I Can See Your Voice,” “Kapamilya Deal or No Deal,” “Panahon Ko ‘To,” “Pilipinas, Game Ka Na Ba?,” “Pinoy Big Brother,” at “Singing Bee” ang magtatagisan para tanghaling “Fave Game/Reality Show.”
Pwedeng bumoto ang fans para sa kanilang “Fave Talk Show Host,” “Fave Game/Reality Show Host,” “Fave Game/Reality Show,” at “Fave Musical/Variety Show Host” sa JoinNow, Jeepney TV Fans Facebook Group, at TikTok hanggang Agosto 12 (Biyernes).
Hanggang Oktubre 8 (Sabado) naman pwedeng bumoto sa TikTok para sa mga nauna nang kategorya na “Fave Kapamilya Serye Iconic Lines,” “Fave Kontrabida,” at “All-Time Favorite Loveteam.”
Nagsimula lamang noong July 16 ang Jeepney TV Fan Favorite Awards at naging patok agad sa netizens. Nitong July 27, nakapagtala na ang #JTVAwards ng 6.5 million views sa TikTok, habang tig-2 million views naman ang #FaveLoveTeam at #FaveIconicLive, at higit 3 million views ang #FaveKontrabida. Nakatanggap na rin ito ng higit sa 51,000 votes sa TikTok, 3,000 votes sa JoinNow, at higit sa 36,000 votes sa Facebook mula sa Kapamilya fans.
Suportahan ang iyong mga pambato sa “JTV Fan Favorite Awards”! Available ang Jeepney TV sa SKY Cable ch. 9, Cignal ch. 44, GSat ch. 55, at SatLite ch. 37. Para sa iba pang detalye, sundan ang Jeepney TV sa Facebook, Twitter, Instagram, at TikTok, at mag-sibscribe sa kanilang YouTube channel.
***
SECOND BATCH OF NOMINEES FULL LIST:
FAVE TALK SHOW HOST
Boy Abunda
Jhai Ho
Kris Aquino
Momshies: Jolina Magdangal and Melai Cantiveros
Martin Nievera
Sharon Cuneta
Vice Ganda
FAVE GAME/REALITY SHOW HOST
Bianca Gonzalez
Edu Manzano
Judy Ann Santos
Kris Aquino
Luis Manzano
Robi Domingo
Vice Ganda
FAVE GAME/REALITY SHOW
“I Can See Your Voice”
“Kapamilya Deal Or No Deal”
“Panahon Ko ‘To”
“Pilipinas, Game Ka Na Ba?”
“Pinoy Big Brother”
“Singing Bee”
FAVE MUSICAL/VARIETY SHOW HOST
Amy Perez
Anne Curtis
Gary Valenciano
Jhong Hilaro
Karylle
Ogie Alcasid
Martin Nievera
Regine Velasquez-Alcasid
Sarah Geronimo-Guidicelli
Vhong Navarro
Vice Ganda
Zsa Zsa Padilla