Push Admin

'Sisterakas' is in the lead of MMFF entries as of the first day of release

Article (news)

Krissa Donida

<div><img src="" alt="122712-sisterakas_main.jpg" width="305" height="290" align="left" border="0"/>Sa first day screening ng <i>Sisterakas</i> na ginanap sa Glorietta 4 noong Martes, Araw ng Pasko, sabay-sabay na nanood ang matalik na magkaibigan at co-stars na sina Vice Ganda at Kris Aquino kasama din ang ilan sa mga cast members ng pelikula na sina Daniel Matsunaga, Xyriel Manabat, Daniel Padilla, Kathryn Bernardo at ang direktor na si Wenn Deramas. Lalo pang pinagkaguluhan ang screening ng pelikula nang kasamang nanood si President Noynoy Aquino para ipakita ang suporta sa kapatid na si Kris. Katabi niyang nanood ang isa pa nilang kapatid na si Viel at mga pamangking sina Josh at Bimby.</div><div><br/></div><div>Dumalo din para ipakita ang kanyang suporta sa pelikula si Pokwang at ang anak nito, ang ina ni Daniel na si Karla Estrada pati mga kapatid nito ay nasa nasabing screening din. Punong-puno ang sinehan na nasa regular screening schedule kaya’t pati mga regular na manonood sa schedule na ito ay nakasamang manood ang cast at mga VIP na dumalo.</div><div><br/></div><div>Kaya naman nang makapanayam ng <a href="">Push.com.ph</a> sina Kris at Vice matapos ang screening, punong-puno ng pasasalamat ang dalawa sa mga nanood at patuloy na sumusuporta sa pelikula nila kasama si Ai-ai de las Alas. Ayon sa Queen of All Media, “Thank you, thank you, thank you <i>sa mga nanood, ang saya kaya</i>.” At nang tinanong ng Push kung anong pakiramdam na ang lakas ng tawa at halakhak ng mga kasama nilang nanood sa loob ng sinehan, “<i>Sobrang saya ano. Nakakakilig talaga</i>.”</div><div><br/></div><div>Hindi na rin naitago ni Vice Ganda ang saya at tuwa sa reaksiyong ito ng mga kasama nilang nanood pati ang mga reaksiyon na nakukuha din nila sa ibang tao tungkol sa kanilang pelikula. Aniya, “<i>Ako kaya tulala ako kapag</i> first day <i>kapag unang beses ko napanood kasi parang</i> premiere<i> ito e, nakatutok kami sa tao. Kaya hindi ako masyadong nanonood e, nakikinig ako sa mga tao naghihintay ako kung kailan sila magsisigawan. Nakakatuwa kasi ang daming beses na nag</i>pandemonium<i> sa loob ng sinehan.</i>”</div><div><br/></div><div>Kinuha na rin ng Push ang reaksiyon ng dalawa na hindi pa man official na inilalabas ang resulta sa takilya ng <i>Sisterakas</i> ay napakalakas na ito. Ayon kay Kris, “Congrats. <i>Maraming, maraming salamat sa mga nanood at sana huwag kayong madismaya kapag mahaba ang pila</i> it means it’s worth it <i>at masaya</i>.” At ang naging rekasiyon ni Kris sa prediksyon ni Vice Ganda na hihigitan pa ng <i>Sisterakas ang Parybeyt Benjamin,</i> “Okay yes, lets claim it.”</div><div><br/></div><div>At mula nga sa first day gross na inilabas ng Metro Manila Development Authority, nangunguna ang Sisterakas na kumita na ng 23.1 million pesos, na sinundan ng <i>Si Enteng, Si Agimat at Si Ako</i> na may gross na 17.1 million at pumapangatlo naman ang <i>One More Try</i> na nasa 8.8 milllion pesos.</div>

'Sisterakas' makes a big impact at the box office on the very first day of its release.