Sa ulat ni Zyann Ambrosio para sa TV Patrol, nahuli na noong gabi ng January 25 si Ferdinand Guerrero. Si Guerrero ang isa sa mga akusado sa Serious Illegal Detention Case na isinampa ni Vhong Navarro laban kay Cedric Lee at mga kasama nito kaugnay ng gabi na binugbog ang aktor.

Halos isang taon rin pinaghahanap ang mga akusado at si Guerrero ay naaresto sa condominium niya sa Makati. Ayon kay Guerrero, ilang buwan siyang hindi nakatulog at kinailangan din niyang gumamit ng ibang pangalan at nag-disguise pa siya.

Giit ni Guerrero na isang Martial Arts black belter, hindi siya kasama sa mga nambugbog kay Vhong. “It’s not true na isa ako sa nambugbog. Had I done that hindi siya makakatago.”

Inaakusahan din niya ang ABS-CBN na kinakampihan si Vhong. Hindi raw totoong tumatakas siya. Kaya diumano niyang umalis ng bansa “through the backdoor” kung gugustuhin niya. Dagdag pa niya, “I want to see this through. Why would I?”

May mensahe si Guerrero para kay Vhong, “Vhong—and I’m speaking from the heart ha—what happened to you is unfortunate. We’re deeply sorry na nasaktan ka ng ganyan, it’s not right. It has to be dealt with accordingly. We’re willing to apologize. Vhong, we don’t want you to die, we want you to live a long life but there must be justice. Justice has to be served. You know what you did, let the court decide because rape is rape is rape, you know what you did Vhong. We want God’s justice.”