Darren Espanto will have a dance number with Bimby Aquino-Yap in his concert

Sa Aquino and Abunda Tonight, kwento ni Darren Espanto na ang parents niya ang tinatanong niya para maintindihan niya ang konsepto ng dating at love. Pagkatapos nito ay kumakanta raw siya mula sa puso.

Pinuri rin si Darren ng mga hosts na sina Kris Aquino at Boy Abunda dahil sa perfect diction nito mapa-tagalog man o English. Ayon kay Darren, after school ay pinagta-Tagalog siya sa bahay ng kanyang parents at tinuruan din siya gumamit ng po at opo.

Sa nalalapit na birthday ni Darren, magkakaroon siya ng concert sa Mall of Asia Arena at inamin niya na may pressure siyang nararamdaman dahil sa napakalaking venue.

Bukod sa kaba, excited rin si Darren dahil “parang birthday celebration ko na rin ito kasama ang Darrenatics.” Umaasa rin siya na makakauwi ang kanyang dad at ang kanyang kapatid.

Isa rin sa mga special guests ni Darren ay si Bimby Aquino-Yap na magkakaroon ng isang dance number with him.