Luis Manzano admits problem in relationship with Angel Locsin

Exclusive na ulat ni MJ Felipe para sa Bandila, kinumpirma ng Kapamilya TV host Luis Manzano na may pinagdadaanan sila ngayon ng girlfriend and Pilipinas Got Talent judge na si Angel Locsin. Nakiusap ito na ‘wag na magbigay ng detalye, pero ayon sa kanya ito ang matinding away nila ni Angel mula ng magkabalikan sila noong February, 2014.

Kapansin-pansin na hindi dumaan si Luis sa red carpet para sa premiere night ng Everything About Her, kung saan bida si Angel at ang kanyang Mom na si Gov. Vilma Santos. Spotted na agad si Luis sa loob ng sinehan at agad rin itong umalis matapos ang pelikula.

Kailan lang, bulung-bulungan na ang paghihiwalay ni Luis at Angel.

Ayon kay Luis, inaayos pa nila ang gusot at hindi pa niya makumpirma kung nagtapos na nga ang relationship nila ni Angel. Ang sigurado lang ni Luis, mahal pa rin niya si Angel kaya siya present sa premiere night ng nasabing pelikula. “I wouldn't miss it for the world. It's a special night for so many people, so nandito talaga ako.”