DJ Durano remembers good times he spent with Wenn Deramas

Isa si DJ Durano sa mga unang dumating sa Arlington Chapels para sa wake ng namayapang direktor na si Wenn Deramas. Bakas sa mukha ni DJ ang lungkot dahil isa siya sa mga naging malapit kay Direk Wenn.

'It's very difficult because alam naman ng lahat na Direk Wenn is my mentor actually he gave me the biggest breaks and malaking loss hindi lang sa akin, kundi sa industry. I'm lost for words I only have kind words para sa kanya. May gagawin pa nga dapat kami na teleserye,' sabi ng aktor.

Naibahagi ni DJ na dumaan din sila sa stage ng tampuhan ni Direk Wenn pero naaayos naman daw ito at mas nagiging malalim ang kanilang pagkakaibigan.

'Hindi naman kami nakakalimot na mag communicate. Kahit sa text lang may communication. May mga time na hindi siya sumasagot dahil busy siya.'

Di naman maiwasan na maging teary eyed ni DJ ng malaman niya pa sa iba na binibilin siya ni Direk Wenn noon pa man na bigyan siya ng trabaho dahil naniniwala siya sa talento nito.

'Binibilin niya ako noon pa na huwag ako pabayaan at bigyan ng trabaho parang dapat hindi ako mababakante kasi naniniwala siya sa talento ko. Lagi niya sinasabi na pinaghirapan ko kung ano ang meron ako ngayon. Walang DJ Durano kung walang Direk Wenn,' kwento pa niya.

At ngayong namaalam na nga si Direk Wenn, walang katapusan pasasalamat ang kanyang pabaon.

'Si Direk Wenn ay isang pamilya sa lahat. Wala siyang masamang tinapay. Magtatampo yan pero isang lapit mo lang dyan, kausapin mo lang ng maayos ok na ulit yan. Sobra kaming naging magkaibigan mabait si Direk. Lagi ko sinasabi na Thank You sa kanya, alam nya yun. I always say thank you sa kanya. Hindi ako makakalimot' pagtatapos ni DJ.