Push Admin

Mark Anthony Fernandez, inamin na inisip niyang magpakamatay habang nasa bilangguan

Article (news)

Cristina Malonzo-Balane

<div> </div>Sa Rated K, inamin ni Mark Anthony Fernandez na dumating siya sa punto na inisip niyang magpakamatay habang siya ay nakakulong. “Opo. (Dahil) hindi ko ma-accept yung nangyari kasi sabi ko inosente po ako. Hindi po ako dapat nandito.”Matatandaan na nakulong si Mark sa Angeles, Pampanga noong October, 2016 sa kasong illegal possession of marijuana. Napawalang sala naman ito sa kasong transportation of illegal drugs kaya ito nakalaya. Habang nahihirapan sa kulungan, sinabi ni Mark na kinakausap din niya noon ang pumanaw niyang ama na si Rudy Fernandez. “Kinakausap ko yung Papa ko. Sabi ko Pa, tulungan niyo akong makalabas dito. Sabihin niyo po kay God, tulungan akong makalabas dito. Mahal na mahal ko si Papa.”Pero ang pinakamahirap daw ay yung malayo siya sa kanyang mga mahal sa buhay. “Naalala mo kung kamusta ang asawa mo, ang mama mo. Kasi ikaw dapat nag-aalaga nun. Yung alam mong nahihirapan ang pamilya mo sa labas.”Ayon sa ulat nagumpisa ang paggamit ni Mark ng marijuana noong nagkahiwalay at hindi sila magkatuluyan ng girlfriend at ka-love team na si Claudine Barretto.Ani Vandolph Quizon na kapatid ni Mark, “Si Mark, talagang nasaktan. Talagang tinamaan siya sa paghihiwalay nila ni Clau. Ang dami niyang pinagdaanan…”Ayon pa sa report, matapos nito ay napabalita na ang pagkapasok ni Mark sa rehab ng dalawang beses.Pinabulaanan naman ni Mark ang chismis na nakabuntis siya ng 2 pulis habang nakakulong sa Pampanga. Ayon sa aktor, hiyang-hiya daw siya sa dalawang babaeng pulis na nagpa-picture lamang sa kanya noon at ang siyang larawan na kumalat sa social media.Nakalabas na ngayon si Mark sa bilangguan at mensahe niya para sa lahat, “Lagi niyong uunahin ang pamilya at lagi niyo dapat sentro si God. With regard naman sa marijuana, ‘wag na lang din nilang subukan kasi illegal yun sa ngayon.”<div> </div>

Naging emosyonal si Mark sa mga natanggap na suporta mula sa kanyang mga kapamilya at kaibigan.