Push Admin

EXCLUSIVE: Rafa Siguion-Reyna, nakaramdam ng pressure bilang anak ng showbiz personalities

Article (news)

Leo Bukas

Isa nang certified Viva artist ang aktor na si Rafa Siguion-Reyna. Pumirma siya kamakailan lang ng kontrata sa Viva Artists Agency na pinapatakbo nina Boss Vic at Veronique del Rosario.Kasama si Rafa sa ginagawang series ng ABS-CBN titled Nang Ngumiti ang Langit mula sa RSB unit. Ang series ay pagbibidahan nina Cristine Reyes at Kaye Abad.Hindi ba mahirap maging anak ng prominent showbiz figures like Bibeth Orteza who is a very good writer and Carlito Siguion-Reyna na isa namang award-winning director?“Actually, nung una nakaka-pressure, of course. Naaalala ko nung nag-a-acting workshop ako with Tita Gina (Alajar), ang comment niya sa akin, ‘Alam mo ang problema mo is gusto mong maging magaling sa workshop.’“Parang you can’t be a good actor, sabi niya sa akin, kung gusto ko raw maging magaling. So, I still remember that to this day kasi pag gumagawa ako ng role or playing a part dapat yung intensyon mo is hindi dapat magaling ka, dapat character talaga yung importante.“At the start, parang nakaka-pressure siya (maging Siguion-Reyna) but the longer I’ve been in the industry, which is now siguro five years na rin, I’ve realized that it’s actually very helpful, eh,” dire-diretsong pahayag ni Rafa who started his career bilang theater actor.Ano naman ang advice sa kanya ng kanyang celebrity parents?“Yung magulang ko very big mentors for me. Kung halimbawa nagkamali ako sa set or na-traffic ako at late ako alam ko kung ano yung gagawin ko—yung professionalism—I have people to look up to.“Kung magkamali ako or I made a mistake, sorry lang, diretso lang. Kung napagalitan ako, it’s not personal. These are things that I learned from them, they taught me how to carry myself in the industry and they’ve been very helpful,” sagot ng binata.Malaking advantage din daw na anak siya nina Bibeth at Direk Carlito.Aniya, “Yung pinagdaanan ko sa showbiz hindi ko masasabi na it’s hard, eh, kasi madali. I’m certainly afforded more opportunities because of the connections I’ve had.“Parang I just feel like it’s up to me to make the most of the connections. Kaya ako nagti-teatro para I will learn my craft, and the discipline. I think it’s important for me to learn what I have to do for my craft. Kumbaga, kung kinuha ako ng director o producer, they need to know that I know how to do my job, so yon ang importante for me.”Very grateful din daw siya na dahil sa parents niya ay maganda rin ang pakikitungo sa kanya ng mga nakakatrabaho.“I think, people who’ve they had good relationships with are kind to me because they’ve a good relationship with my parents or family, so nakakatulong talaga,” sey pa niya.Samantala, wala munang balak si Rafa na sundan ang footsteps ng kanyang parents who work behind the camera.“Minsan iniisip ko pero ngayon gusto ko pang umarte. Parang I feel like there still things left for me to do as an actor, so gusto ko munang dito mag-concentrate.“Last year was very good for me. I’m happy with the projects that we’re getting and yung role ko nga sa Goyo as brother ni Paulo Avelino ang mako-consider kong biggest role ko sa film. It’s been a very good year, I’m just riding the wave,” katwiran pa niya.