Kaabang-abang ang bagong crime-thriller serye ng ABS-CBN na Mea Culpa na pinagbibidahan nina Jodi Sta. Maria at Bela Padilla. Isa ito sa mga shows na ipinakita sa katatapos lang na Christmas Trade Launch noong November 27.

Sa trailer ng TV series, ipinakita si Jodi na galit na galit sa ilang college students na kinabibilangan nina Bela,Tony Labrusca, Kit Thompson, Sandino Martin, Ketchup Eusebio, and Ivana Alawi dahil sa pagkuha sa kanyang anak nang dahil sa isang aksidente.

View this post on Instagram

#MeaCulpa cast, prod staff at the #FamilyIsLove Christmas Trade Event ✨

A post shared by Dreamscape PH (@dreamscapeph) on Nov 27, 2018 at 7:11am PST

Puno naman ng excitement ang mga netizens sa paparating na Kapamilya drama at sinabing parang American series na How To Get Away with Murder at 1997 mystery film na I Know What You Did Last Summer ang dating ng Mea Culpa.

Papuri din ang ibinigay ng netizens sa ABS-CBN at Dreamscape Unit sa paggawa ng isang quality serye.

Wala pang official airing date ang Mea Culpa na tiyak ay aabangan ng mga manonood sa ABS-CBN Primetime Bida.