Push Admin

EXCLUSIVE: Kiray Celis, proud na finally may boyfriend na rin siya

Article (news)

Leo Bukas

<div> </div>Proud na proud si Kiray Celis sa bagong development tungkol sa personal na buhay niya ngayon. Meron na raw kasi siyang boyfriend after 21 years.Ito ang inamin ni Kiray sa interbyu ng PUSH sa presscon ng pelikulang My Fairy Tail Love Story na pinagbibidahan nina Janella Salvador at Elmo Magalona na showing on February 14 from Regal Films under the direction of Perci Intalan.Eh, ano nga bang feeling na finally ay may boyfriend na siya?“It’s about time. I’m too old already. Actually, late bloomer pa nga yon, eh. Pero hinintay ko rin na maging stable ang family ko, na parang hinintay ko rin na may maipagmamalaki ako sa family ko na hindi ko inuna yung boyfriend kesa sa family ko.“At least ngayon may bahay na kami, work, work, work, and then ngayon happy, may boyfriend…” kuwento niya sa PUSH.Businessman ang boyfriend ni Kiray pero nakiusap siya na huwag itong pangalanan. Nagsimula raw mabuo ang kanilang relasyon sa panonood lang ng movies at pagkain sa labas.“Nanonood kami ng movie, palagi siyang nag-i-invite ng ganun. Mahilig kaming kumain, lagi kaming kumakain. Then, parehas kami ng zodiac sign, sobrang katugma talaga kami. Parehas kaming Leo,” sambit pa niya.Okay lang ba BF niya sa pagiging celebrity niya?“Okay lang naman. Wala naman siyang magagawa, eh. Wala naman siyang choice,” sabay tawa ni Kiray.Patuloy niya sa medyo seryosong tono, “Pero it’s hard. Mahirap kasi super private siya. Kapag lumalabas kami hindi siya sanay na may mga lumalapit, lagi siyang lumalayo. And hindi siya sanay na sasabihin ng mga tao na, ‘Kuya, puwedeng picturan mo kami ni Kiray?’ Hindi siya sanay na ganun.”Handa na ba siya sa mas intimate moment pa with the boyfriend o ang pakikipag-sex dito?“Sex? Hindi pa, sobrang takot ako,” sagot agad ni Kiray.“I mean, may best friend kasi ako simula pa nung bata pa ako tapos parang kuwento siya na ganyan-ganyan, nakikipag-ganun (sex) siya. Tapos all of a sudden bigla na lang siyang umiyak sa akin na buntis daw siya.“Parang… akala ko ba happy. Akala ko ba enjoy-enjoy lang. Parang kahit hindi mo gusto bigla na lang darating, yeah, it’s a blessing, [may] bata, but hindi pa ako ready.“Ang dami ko pang… I’m 21 now, puwede naman na kasi may bahay na, stable na rin naman ang family ko, pero… Ako nga don sa seven months na pamangkin, Diyos ko, maya-maya lang pagod na pagod na ako. Hindi pa talaga ako ready,” paliwanag ni Kiray.Eh, what if aksidente siyang mabuntis?“Ang ganyang bagay naman ay hindi mangyayari kung hindi mo hahayaan. Hindi ka mabubuntis kung hindi mo yon hahayaang mangyari,” katwiran ni Kiray.