Push Admin

McCoy de Leon, nag-react tungkol sa chismis na may 2 Hashtag members na nakabuntis

Article (news)

Leo Bukas

<div> </div>Maliit lang ang role ni McCoy de Leon sa adult love story movie na Sin Island na pinagbibidahan nina Xian Lim, Coleen Garcia and Nathalie Heart, pero thankful pa rin siya dito.“Isa po akong intern sa photo studio ni Kuya Xian sa movie. Hanggang do’n lang po,” description niya sa role.Biniro naman namin ang binata kung anong ginagawa niya sa celebrity premiere ng pelikula gayung for adults ang movie.“Hindi ko nga po alam kung anong ginagawa ko dito,” natatawa niyang reaksyon habang katabi ang ka-love team na si Elisse de Leon bago ang simula ng celebrity preview ng pelikula.“Actually, na-realize ko after ko pong mag-shoot na pang-adult pala itong movie. Pero sabi ko nga po kanina, thankful pa rin po ako na napasama dito, suporta na rin po ka Kuya Xian,” dugtong ng binata.R-16 or restricted for 16 years old and above ang binigay na rating ng MTRCB sa pelikula kaya biro ni McCoy, hindi pa sila ready ni Elisse mag-watch ng ganitong klase ng pelikula.“Tatakpan na lang po namin yung mga mata habang nanonood,” pagbibiro ni McCoy.Pagkatapos ng film screening ay kinausap ulit namin si McCoy ay tinanong kung anong reaksyon niya sa napanood.“Hindi ko po alam na ganito pala kagrabe yung pelikula. Pinawisan po ako,” natatawa niyang pahayag.Biro naman ni Elisse, “tinatakpan ko nga po yung mata niya para hindi niya makita. Ha-ha-ha!”When asked kung aware ba si McCoy sa ilang porn sites sa internet ay bigla ring natawa ang binata.“Naririnig ko lang po sa mga kagrupo ko,” pag-iwas ni McCoy. “Saka, bata pa po ako. Wala pa po yon sa isip ko,” sey ulit niya.Eh, sa isyung may dalawang kasamahan sa grupong Hashtags ang natanggal na dahil nakabuntis. Aware din ba siya rito?“Opo, nagkaroon ako ng idea. Pero hindi ko po masigurado kung… Wala po talaga akong mabanggit na pangalan kasi ang hirap pong magsalita talaga,” muli niyang pag-iwas.“Para sa akin po, hindi ko masigurado kasi wala pa rin akong ebidensiya pa talaga. Pero kung sakaling totoo, alam kong paninindigan nila yon. Kilala ko kasi sila, lahat ng kagrupo ko.”Kasama ba sa patakaran sa Hashtags ang bawal munang makabuntis?“Hindi ko po sure ‘yung eksaktong pinakapatakaran. Pero ang alam ko lang, ‘yung discipline kumbaga, ‘yun ang pinapa-priority sa amin. “Siyempre ‘yung image din po, public figure po kami, siyempre bilang inspirasyon kami (ng kanilang mga tagahanga), dapat good example kami,” katwiran ni McCoy. IG