Push Admin

EXCLUSIVE: Roxanne Barcelo, ‘friends with benefits’ nga ba ang relasyon ngayon sa ex-BF na si Will Devaughn?

Article (news)

Leo Bukas

<div> </div>Naging maganda ang paghihiwalay nina Roxanne Barcelo at Will Devaughn kaya nanatili silang magkaibigan hanggang ngayon. Ang medyo weird nga lang ayon mismo kay Roxanne ay hindi niya matandaan kung kailan talaga sila naghiwalay.“Alam mo, ang hirap talaga nung petsa, we just decided na tapusin na lang muna,” reaksyon pa ng dalaga.Pero kahit wala nang romantic involvement ay naging best friends naman daw sila ni Will.“Best friends muna kami ngayon. Sabi ko, ‘Kung ano yung dati ibalik na lang natin, wala nang kiyemehan, ganun.’ Parang beshie na lang tayo, walang etchos,” kuwento pa niya.Puwede bang maging mag-bestfriend ang dating magdyowa kapag nag-break sila?Aniya, “To be honest, kapag maganda ang pinagsamahan niyo at wala kayong third party, yes. Pag naiintindihan n’yo at na-communicate n’yo humbly nang husto kung ano yung mga pagkukulang n’yo, pupuwede.“Ako, na-admit ko, na-admit din niya. Pareho kaming nawalan ng oras sa isa’t isa, tapos nag-iba yung direksyon namin. Tapos nag-focus siya sa business.“Eh, hindi lang naman isa ang business niya, apat ang business niya. So, ang oras talaga namin ay hindi magkatugma,” pag-amin ni Roxanne.Ang pagiging friends ba nila ay “with benefits” o “without benefits?”Natatawa niyang sagot, “Without. Sabi ko sa iyo, wala nang kiyemehan.”Inamin naman ni Roxanne na nami-miss niya ngayon ang karakter ni Nathalie na ginampanan niya sa natapos na series na Wildflower.“Sa sobrang pagka-miss ko sa kanya hindi ko siya pakakawalan. Kasi marami namang arte siya dati na hindi naman arte talaga, eh. Ako din naman yon, eh.“Ang dala-dala ko talaga hanggang ngayon from Nathalie ay yung strength niya kasi sobra siyang fighter talaga. I need that. Kilala n’yo naman ako ever since nung nagsisimula ako, mahina talaga ako.“Sa 18 years, lahat ng baklang nagpalaki sa akin, kasi sila talaga yung nagpalakas ng loob ko, parang feeling ko nasa beau con ako all the time… parang I need the confidence and the strength and they gave me that,” huling pahayag niya sa PUSH.