Push Admin

EXCLUSIVE: Director Joey Reyes, gagawa ng updated version ng Pare Ko sa pelikulang ‘Walwal’

Article (news)

Leo Bukas

<div> </div>Muling gagawa ng youth-oriented film si Direk Jose Javier Reyes na ang title ay Walwal na ipoprodyus naman ng Regal Entertainment. Nakasentro ang istorya ng pelikula sa apat na magkakaibigang lalaki na gagampanan nina Jerome Ponce, Elmo Magalona, Kiko Estrada, at Donny Pangilinan.Taong 1995 nang ipalabas ang isang unforgettable youth-oriented film ni Direk Joey titled Pare Ko na prinodyus ng Star Cinema. Bida dito sina Claudine Barretto, Mark Anthony Fernandez, Jao Mapa, Jomari Yllana, at Victor Neri.Excited na kuwento ni Direk Joey, “This is my updated version of Pare Ko. I’ve been wanting to do another Pare Ko but this time, using contemporary kids.“Gustong kong gumawa talaga ng youth movie, yung hindi romcom. Yung about young people talaga, not necessarily about love kundi about sa mga nangyayari sa mga bata ngayon.“It’s just a look at the young people today without having to fall into the trap of a romance. Because I believe na ang buhay ng mga bata higit pa kesa sa mga lovey-dovey sa buhay nila.”Personal na pinili ni Direk Joey ang apat na lalaking bibida sa Walwal.“The script came ahead, eh. The casting came after the script rather than a casting coming before the script. So, nung binabasa ko, naghahanap ako ng mga tao na tugma at alam kong kaya yung role. Lahat sila hand-picked.“Alam ko kaya ni Elmo yung role niya. Alam ko na matutulak ko si Kiko sa role niya. Alam ko na Donny is good for that role. Jerome naman has the hardest dramatic role because I know, magaling siya, saka alam kong malalim ang paghuhugutan niya don sa role niya,” kuwento niya.Gusto rin daw niyang ipakita sa pelikula ang husay sa pag-arte ng kanyang mga bida.“I wanted to push the acting of this four kids because I believe in the acting ability of this four kids,” sey pa niya.Ipinagmalaki din ng premyadong director na isang dream project ang bagong pelikulang kanyang gagawin na sinulat ng kanyang 19-year-old student sa La Salle.“This is a dream project. Ang tagal ko ng naghahanap ng… ang tagal ko ng gustong sumulat ng ganito tapos ang nakakaaliw, estudyante ko ang nagbigay nung script, di ba?“Parang it’s a double joy na you’re directing the material of your student. Parang dinidirek mo yung material ng anak mo, so ang saya,” proud niyang pahayag.Sa apat na bidang lalaki sa Walwal ay si Donny ang baguhan at wala pang experience sa pag-arte. Hindi ba siya mahihirapang idirek ang binata?“Hindi naman. Kasi nu’ng kinakausap ko si Donny, ang big advantage niya is hindi naman dahil bago siya, eh, matalino siya.“Saka Diyos ko, anak yan ni Maricel Laxa. Genetic na yan ‘no (pagdating sa acting).“Si Donny parang apo ko yan, ako ang ninong sa kasal nina Maricel (Laxa) at Anthony (Pangilinan), so parang apo ko na siya. I wanted to work with him at masaya ako na ako ang magdidirek ng kanyang first movie,” huling pahayag ni Direk Joey sa PUSH.

Si director Joey Reyes ang pumili sa apat na actor na gaganap sa kanyang bagong youth-oriented movie.