Push Admin

Fashion designer Boyet Fajardo masaya sa dismissal ng slander case laban sa kanya

Article (news)

Kiko Escuadro

<div> </div>Pagbibigayan ngayong panahon ng mga puso ang kwentong ibinahagi ng Filipino fashion designer na si Boyet Fajardo matapos ang kontrobersya na kanyang kinaharap noon.March 13, 2009 matatandaan na minsan naging laman ng social media ang veteran fashion designer matapos niyang paluhurin ang isang empleyado ng Duty Free Philippines dahil sa simpleng hindi nila pag kakaunawaan sa isang transaksyon sa credit card habang siya ay namimili noon na humantong pa sa demandahan.<div><iframe allow="autoplay; encrypted-media" allowfullscreen="" frameBorder="0" height="480" src="https://www.youtube.com/embed/VNT7vmRlKG4" width="854"></iframe></div>&quot;After almost 10 years, yung Duty Free Scandal na kinasangkutan ko ay natapos na at sa napakahabang panahon naniwala ang mga tao na napakasama ko. Now I&#x27;m finally free from all these things and I have to thank God for all these mighty blessings na lumabas ang katotohanan,” panimula ni Boyet tungkol sa dalawang kasong isinampa sa kanya. Dahil sa pagkakamali noon ni Boyet, aminado siya na malaki ang nagbago sa kanyang buhay.&quot;Maraming marami, unang una nasira ang career ko, there were times na there are super malls that carried my brand but pinalabas ako, marami silang pinasara na brands ko,&quot; kwento pa ni Boyet.&quot;There are times pa na talagang everywhere I go they look at me, even abroad since it was a big and celebrated news, talagang na down ako,&quot; dagdag pa ng fashion designer. Ayon kay Boyet, dumaan pa sa pagkakataon na tanging ang kanyang ina na na nabubuhay pa noon ang tangi niya naging kakampi sa laban na kanyang kinaharap noon.&quot;Sobrang sakit dahil noong mga panahon na yun ang tanging karamay ko ay ang nanay ko at ang isang kapatid ko. Wala din lawyer na gustong tumanggap ng aking case, until such time my friend came in to the rescue,&quot; sabi ni Boyet.Mahabang kalungkutan ang dinaanan ni Boyet, na naging sanhi na rin ng pagkakaroon niya ng karamdaman.&quot;It was a long battle, dahil sa sunod sunod na pagsubok na trigger ang glaucoma ko na ikinabulag ko po, nabulag ako for two and half years. Dumaan ako sa mga psychiatrist, sa psychologist and it was a really sad story but it’s now just a thing of the past,&quot; emosyonal na pahayag niya. Samantala, kasama ang ABS-CBN News, nahingan din natin ng pahayag si Marvin Fernandez, ang pinaluhod noon ni Boyet, na naging malapit na kaibigan na niya ngayon.&quot;Naniniwala po ako na magiging ganito po ang ending namin after this process, ang friendship po namin ni Tito Boyet ang nangibabaw,&quot; pahayag ni MarvinKasabay ng pag file ni Marvin sa dismissal naman ng kaso niya laban kay Boyet, nakita niya umano ang pagpapatawad sa puso niya.&quot;Since that day na nag-file ako ng dismissal ng kaso, doon ko po na realize na why not na makipag kaibigan ako sa kanya, maging magkaibigan kami. Para sa akin naman kasi ang pagpapatawad ay dapat ibigay doon sa taong dapat deserving mo pagbigyan,&quot; sabi pa ni Marvin.Sa huli, ibinahagi ni Marvin at Boyet ang masasabi nilang mga natutunan nila na nagpabago ng kanilang mga buhay.&quot;Maging humble ka, no matter what. Siguro dapat maging humble ka na lang at hindi na dapat tayo manatili sa mga masamang pag-uugali. Kung mayroon man tayong kaunting success na pumasok sa atin, dapat siguro ay i-set aside natin at ipaubaya na lang natin sa Panginoon,&quot; pahayag ni Boyet. &quot;At the end of the day, we commit a lot of mistakes po pero kapag may mga desisyon tayo na nagagawa minsan dapat pag-iisipan natin ito ng paulit-ulit. Kasi pag nandoon tayo sa bugso ng damdamin hindi natin naiisip yung mga dapat nating sabihin o gawin,&quot; sabi naman ni Marvin.Sa ngayon, namumuhay si Marvin ng simple at masaya at may trabaho sa isang garment factory, samantalang si Boyet naman ay nagsimula na ang pagtulong sa mga kagaya niyang PWD at may dipirensya sa mata.

Natutunan ni Boyet Fajardo at ni Marvin Fernandez na dapat ay maging humble at mapagpatawad para maging magaan ang buhay.