Push Admin

EXCLUSIVE: Bernadette Allyson, inaming interesado ang tatlong babaeng anak na pasukin ang showbiz

Article (news)

Leo Bukas

<div> </div>Aminado si Bernadette Allyson na ngayon pa lang ay kinakikitaan na niya ng interes na mag-artista ang second daughter nila ni Gary Estrada na si Gabbi Ejercito. Nag-i-enjoy daw ang bata who is only 11 years old na sumama sa presscon at mag-observe.“Siya kasi yung madaling i-admit na, ‘Yes, I want to be an actress.’ Siya, among the three,” kuwento sa PUSH ni Bernadette.“Like tonight, gusto niya talagang sumama sa presscon kasi wala na siyang exams. Always, gustung-gusto niya. kahit sa presscon ni Gary sumama din siya.“I don’t know what she sees in this environment pero feeling ko nag-i-enjoy siya. Fascinated siya siguro, kasi di ba ang saya. So, ini-imagine ko sa mata ng bata, ano kaya yung feeling niya na ito yung trabaho ng mga magulang niya,” patuloy ni Bernadette.Papayagan ba niyang mag-artista ang anak?“Hindi pa muna ngayon. Kasi ano siya, eh, nag-aaral pa siya di ba? Tsaka medyo bawal sa school niya.”Mayroon din daw silang kasunduan ng anak bago ito mag-showbiz.“Ang deal? Actually gusto ko sigurong tapusin niya muna ang high school. She’s in grade 6 now so actually, ilang taon pa, malayo pa. Pero kung magko-commercials, puwede. So, depende lang sa school, medyo strict, pero commercials puwede.“Huwag muna yung full blown taping kasi alam naman natin na mahirap yung hours don,” pahayag pa niya.Bukod kay Gabbi na very local sa pagsasabing gusto niyang mag-artista, nakikita rin ni Bernadette na do’n din pupunta ang dalawa pa niyang anak na babae.Kuwento niya, “The other two are also medyo papunta rin dito sa showbiz. It’s just that yung panganay ayaw pa. Mas maarte yon, eh. Sasabihin niya, ‘I don’t want to be an actress,’ but ang gusto niya is something to do with music kasi kumakanta naman. Saka sasabihin non, ‘I still want my privacy.’“Yung pangatlo naman, feeling ko magdidirektor kasi among the three, siya yung dinidirek niya lahat. Kaya niyang idirek yung the way they play, siya ang masusunod lahat kung sino yung character na ganito or sino yung ganito. Hindi ko siya tinuturuan, pero maano siya talaga. She’s only 10 ha.“There was a point gusto niyang maging chef, and then director. Now, gusto na rin niyang maging actress. Pero si Gabbi talaga yung from the start gusto niya talagang mag-artista.”As a mother, ipinagmamalaki naman ni Bernadette na she’s a hands-on mom. Ito rin daw ang dahilan kung bakit bihira lang siyang tumanggap ng TV projects.“Nakatutok ako sa kanila, eh, kaya nga hindi ako masyadong tumatanggap ng projects. Ngayon lang ako nakatanggap ng project ulit. But you know, kahit walang tapings noon, sila yung work ko, sila yung buhay ko. Alam mo, nakakapagod—draining,” huling pahayag niya sa PUSH.