Push Admin

EXCLUSIVE: Bernadette Allyson, inaming hindi sila mag-on ni Gary Estrada nung ikasal

Article (news)

Leo Bukas

<div> </div>Nakakagulat ang kuwento ni Bernadette Allyson sa exclusive interview ng PUSH sa kung papaano sila naging mag-asawa ni Gary Estrada.Ayon kay Bernadette, hindi sila mag-boyfriend ni Gary nu’ng ikasal silang dalawa.“Ang kuwento talaga namin, siguro maniniwala na sila dahil ilang taon na kaming kasal, when he asked me for marriage, hindi kami nung time na yon.“Kasi, nung naging kami for 10 months, we broke up for a year. After one year, bumalik siya sa akin, text-text lang. Tapos gusto daw niya girlfriend-boyfriend na kami by Valentines ng 2001.“Sabi ko, ‘No,’ kasi gusto ko pang makipag-date-date sa iba. Pero I have feelings for him, hindi naman nawala yon. Pero after a month, biglang may pinakita na siya sa aking ring, that was Valentines. After one month, March yon, hindi niya ako pinaliguy-ligoy na, ‘Uy, boyfriend-girlfriend tayo.’“Ibig sabihin, pag nag-yes ako sa kasal, kami na at automatic kami na ulit. Nag-yes ako kasi love ko pa naman siya, eh. Gusto niya agad-agad ikasal na kami ng May, pero naging June yon kasi tumawad ang daddy ko na bakit naman ang bilis, so yon,” dire-diretson kuwento sa amin ng misis ni Gary.Inamin din ni Bernadette na hindi perfect ang marriage nila ni Gary.“Definitely, I cannot say it’s perfect,” pag-amin niya.Patuloy ni Bernadette, “Opposite kami ni Gary, eh. We have a lot of things that are opposite. Si Gorio kasi homebody. Gusto ko yung alis nang alis.“In fairness to him, tahimik siya, eh. Hindi siya masyadong confrontational. Ako naman putak nang putak, maarte, pero si Gary hindi. Simple lang yon, in fairness sa kanya.“Siya mahilig sa farm, ako Manila girl. So, there are so many things na opposite kami, pero somehow… tingnan mo naman, ilang years na kami—17 years na kami this year.”Eh, paano ba tumatag ang samahan nila bilang mag-asawa?“I think, it’s a matter of how committed and how much you love the person. Yung commitment kasi niya, in fairness nung naging kami na talaga, ang ano niya is to make the marriage work.“So yung commitment namin sa isa’t isa, kahit there are times na gusto na naming sumuko, may mga moments na ganun talaga. Ang dami na naming pinagdaanan at gusto mo nang sumuko pero awa ng Diyos hindi naman natutuloy,” paliwanag niya.Ano bang dahilan ng muntik na nilang paghihiwalay?“Actually, never about a third party. But there are issues concerning the family na minsan hindi ko na nakakayanan lalo na yung related to politics, yung mga pagtakbo-takbo niya,” bulalas niya.“May mga decisions kasi siya na siyempre, kailangan mo ring suportahan pero minsan mahirap suportahan pero kailangan. So, may mga point dati na yung tipong sobrang bigat, gusto mo nang sumuko, pero hindi, eh.“Nandiyan parin siya at saka willing siyang… ayaw niyang mag-let go. Yung commitment niya talaga sa marriage nandon. Yon yung na-realize ko sa marriage na it’s not about love lang, it cannot be about love.“Kasi kung love lang, minsan there are times na parang you hate that person, eh, na katabi mo dahil sobrang ayaw mo lahat ng ginagawa niya. But then, yon nga, mahal mo siya at gusto mo talagang mag-work yung marriage. Yon ang pina-realize sa akin ni Gary.“Pag meron kaming mga arguments, ayaw niya kasi yung kunyari lalayas ka, babalik ako sa mommy ko, yung mga ganun. Ako kasi, ang belief ko, we can’t sleep na magkagalit.“Pero sa kanya kasi, gusto niyang natutulog minsan na magkagalit kami kasi dina-die down niya and then the next day, usap kami. Gusto niya kahit may ayaw, walang aalis, stick together pa rin. Kasi pag umalis na, ibig sabihin non, ayaw mo na,” pagbabahagi pa ni Bernadette tungkol sa kanila ni Gary.Nakausap ng PUSH si Bernadette sa presscon ng Contessa kung saan kasama siya sa cast.

Idinetalye ni Bernadette Allyson ang mga naging challenge sa relasyon nilang mag-asawa.