Push Admin

EXCLUSIVE: Nash Aguas mas gustong kaibiganin si Alexa Ilacad kesa gawing girlfriend

Article (news)

Leo Bukas

<div> </div>Aminado si Nash Aguas na nung nagsisimula pa lang siyang mag-taping sa The Good Son ng ABS-CBN ay nahirapan siyang ihiwalay ang character niya bilang si Calvin Buenavidez na mayroong schizophrenia. “Dati, meron times na after ng iyakan, umiiyak pa rin ako. Actually, nung umpisa ng The Good Son, may mga ganun ako. May mga sinyut nga kami na hindi na pinalabas, eh. “Merong eksena na umiiyak ako don sa ataul ng tatay ko, tapos sobrang umiiyak ako. Tapos nung nag-cut na, umiiyak pa rin ako, hanggang pagpunta ko sa tent umiiyak pa rin ako,” pagtatapat ni Nash sa PUSH. Nangyari daw ito dahil sa tindi ng emosyon na kanyang pinakawalan. “Sobrang tindi siguro nung emosyon. Kasi ang emosyon naman hindi mo naman puwedeng i-cut na lang basta-basta yan na, ‘Oh, tigil ka na, huwag ka nang umiyak.’ Pero eventually, natutunan ko na ring kontrolin. “Ngayon, ako po, once na nag-cut, wala na agad. Kumbaga, siguro dahil lagi ko na ring ginagawa yung pag-arte. Nung dati, oo, pero nasanay na rin siguro ako,” katwiran ni Nash. Ano ba ang natutunan niya sa role bilang binatilyong may schizophrenia? Aniya, “Kasi siyempre, hindi ako familiar don sa mga ganung cases kagaya ni Calvin, pero siguro yung natutunan ko is, hindi rin nila ginusto na magkaganun. “Kumbaga, aware sila na may ganun sila at ayaw nila yon, kaso yung ibang tao masyado silang dyina-judge agad, kinakatakutan, tinataboy, ganyan, so nakakaawa.” Kasama ni Nash ang ka-love team na si Alexa Ilacad sa The Good Son. Sa interbyu ng PUSH ay inamin ng binata na hindi naiwasang ma-develop siya sa dalaga. “Oo, pero kailangan mong anuhin, eh, kasi makakasira ng trabaho,” sambit ng binata Patuloy niya, “Mapagpigil ako, eh, parang ganun. Kasi kapag naging kayo tapos ang daming isyu, ang daming bashers, ganyan, masisira kayo tapos hindi na kayo mag-uusap. “So, wala rin. Sayang, di ba? Eh, siya kilala ko na, ever since Goin’ Bulilit. So, parang sayang naman, natapon lang.” Ayaw din daw niyang madaliin ang mga bagay-bagay. “May natutunan kami na kapag minadali mo ang isang bagay at saka pag ano ka, pag yon ang iniisip mo lagi, mas nakakasira. Mas mabuting magkaibigan kayo, kasi yon magtatagal. “Kumbaga, may mga sitwasyon na mas okey na magkaibigan lalo na sa industry namin. Mas mahirap kasi, eh,” huling pahayag niya sa PUSH.