Push Admin

EXCLUSIVE: May balak na ba si Ex-PBB housemate Johan Santos magpakasal sa ina ng kanyang anak?

Article (news)

Leo Bukas

<div> </div>May one-year-old son na ang dating Pinoy Big Brother housemate at 4th Big Placer na si Johan Santos. Ang name ng anak niya na nag-birthday at bininyagan noong April 10 ay si Zohan Miguel Gonzales Santos.Ginanap ang binyagan ni Baby Zohan sa Our Lady of Mount Carmel Parish Church sa Quezon City. Ilan sa mga naging ninang at ninong ay sina Ogie Diaz, Paul Cabral, Ejay Falcon, ang inyong lingcod at marami pang iba.After ng binyagan ay ginanap naman ang children’s party for Baby Z. Superhero ang theme ng party kaya game na nagsuot ng superman costume si Johan. Naka-wonder woman ang partner niyang si Eileen Gonzales na dati ring artist ng Star Magic.Pagmamalaki ni Johan, hands-on dad siya sa anak na si Zohan.“First two months halos ako ang nag-alaga kay Z. Wala pa kaming yaya non. Ako ang nagpapalit ng lampin, halos lahat. Eh, ang hirap ding maghanap ng yaya,” sambit niya.Eh, magiging anong klaseng father ba siya sa anak – disciplinarian o spoiler?“Yung tama lang siguro. Hindi disciplinarian, pero hindi rin naman masyadong spoiler. Basta, hahayaan ko lang siya na gawin yung gusto niya. Ganun din kasi yung pagpapalaki ng parents ko sa akin, eh. Hindi sila mahigpit, lenient lang din.“Ang focus ko ngayon ay maibigay kung anong gusto niya. Mapalaki siya nang maayos, pagtutulungan naman namin yon ni Eileen,” sambit pa niya.Wala pa ba siyang balak pakasalan ang girlfriend?“Hindi naman puwedeng biglaan yang ganyan. Mas maganda pinaplano.”Dagdag pa ni Johan, wala rin daw muna silang balak na sundan ang kanilang panganay.Bukod sa pagiging commercial model and actor, pinasok na rin ni Johan ang pagiging tour manager ng isang travel agency na nagdadala ng mga Pilipino sa iba’t ibang bansa na gustong mag-tour.

Ex-PBB housemate Johan Santos, sinabing very hands on siya sa pag-aalaga sa kanyang anak.