Push Admin

Kakai Bautista, inaming pinapakialaman ni Maja Salvador ang costumes niya sa concert

Article (news)

Leo Bukas

<div> </div>Ang anniversary concert ni Kakai Bautista titled KAKAI XV: The Dental Diva 15th Anniversary Concert sa April 6 at the Music Museum ay magsisilbing tribute para sa mga taong nakatulong sa kanyang showbiz career.“My concert is a tribute to all the people who have helped me in my 15 years. Akalain mo, 15 years, grabe.“Unang-una, siyempre yung naka-discover sa akin sa Binan (Laguna), si Mr. Frannie Zamora, I invited him. Tapos si Direk Tony Espejo, Ms. Lea Salonga, Celeste Legaspi, Mr. Ryan Cayabyab, Direk Lauren (Dyogi).“I invited everyone, naku mga bising tao pero sana… Pero may basbas nila, may well-wishing naman na naganap,” komento pa ni Kakai.Second major concert pa lang ni Kakai ang KAKAI XV. Takot daw kasi siyang mag-concert.Aniya, “Hindi ko alam kung bakit ayaw kong mag-concert. Siguro, more of fear of ganyan, or siguro masaya na lang talaga ako kung ano yung meron. Nag-iintay lang ako ng mga… kung ano yung ibibigay, aba, sige.“Hindi naman ako nakikipagkarera sa iba. Ang importante sa akin, meron akong trabaho tsaka may ginagawa ako.”Gusto rin muna ni Kakai na mag-focus sa singing kaya naglakas loob na rin siyang mag- concert.“Ngayon, kaya ko naisip mag-concert kasi naisip ko na this year mas gusto kong kumanta. Kumanta na lang kaya muna ako nang kumanta?“Yon naman talaga yung first love ko, eh. Yung pag-arte kasi, by accident lang din akong nakuha bilang komedyante,” ayon pa sa komedyante.Wala namang nararamdamang kahit anong bitterness si Kakai tuwing babalikan niya ang pinagsimulan bago nakilala sa showbiz.“Nag-start talaga ako as alila sa theater. As in, nagtatahi, nagma-mop ako ng floor, naghuhugas ako baso, ng pinggan sa rehearsal hall ng Gantimpala.“Tapos naging wardrobe assistant po ako ni Ms. Lea nung 2001. Tagabihis, taga-plantsa, tagalaba ng damit niya, taga-ayos ng wig niya – lahat, alila.“Pero never akong nahirapan. Of all the 80 shows that we did, wala akong kahirap-hirap. Very helpful siya, very professional, very kind,” papuri pa niya sa Broadway Diva.Kapansin-pansin naman na seksing-seksi si Kakai sa poster ng kanyang concert.“Gusto po yan ni Maja (Salvador). Siya po ang nagsa-suggest niyan. Actually, siya po talaga ang nagsimula ng ‘pa-panty ni mayor.’ Sa mga concert po kasi namin dati ni Maja na nag-guest po ako, nabibigla na lang po ako sa mga pinapasuot niya.“Kung anu-anong pinapasuot niya sa akin. Kaya nung siya naman yung nag-guest, gumanti din ako. ‘Suotin mo rin yan!’ Panty din, sumunod din naman siya,” natatawa niyang pahayag sa PUSH.