Push Admin

EXCLUSIVE: Derrick Monasterio reacts to being tagged as a ‘sex object’

Article (news)

Leo Bukas

<div> </div>Si Derrick Monasterio ay isa sa pinakaseksing heartthrob sa showbiz ngayon. Madalas niyang i-flaunt ang kanyang topless na katawan sa pictorials at sa social media at proud na proud daw siyang gawin ito.“Siyempre, pinaghirapan ko po ito (referring to his body). Sayang naman po kung itatago ko lang,” pabiro at medyo naughty niyang pahayag.“I’m a very people person po kasi, so kung ano yung nakikita nilang maganda, kung ano yung matutuwa sila, ibibigay ko sa kanila,” dagdag pa ng aktor.Si Derrick ang bida sa pelikula ng BG Productions na Almost A Love Story na showing na on April 11. Kapareha niya sa pelikula si Barbie Forteza. Kasama rin sa cast ng movie na idinirek ni Louie Ignacio sina Lotlot de Leon at Ana Capri.When asked kung ano ang reaksyon ni Derrick kapag maraming naseseksihan sa kanyang katawan, natawa lang ang binata.Aniya, “Napa-flatter po ako pag ganun ang sinasabi nila kasi nakikita nila yung pinaghirapan ko po. And of course, pag nasabihan kang sexy and konti lang naman po yung sinasabihan ng ganun, so happy talaga ako and thankful sa comments.”Aware din ba siya na ang tingin sa kanya ng ilang kababaihan at mga beki ay “object of desire” or “sex object?”“Wow. Talaga po? Wow, for me, compliment po yon,” reaksyon niya.Dugtong niya, “Kasi, of course, pag may sexual attraction nandon na rin yung… may physical attraction na yon, eh. Mayroong emotional.“I mean,pag may sexual attraction kasi yon yung pinakagusto mong makasama habang buhay, mga ganun, eh. So, para sa akin, it’s an honor na ganun yung tingin nila sa akin.”Samantala, first time ni Derrick na magbibida sa pelikula. Ayon sa kanyang kuwento, halos mapaiyak siya nang malamang siya ang lead actor sa Almost A Love Story.“Actually, nagulat nga ako kasi before kami umalis papuntang Italy, sabi sa akin ng manager ko, ‘Uy, pupunta ka ng Italy next week.’ Ha, anong gagawin ko? Movie daw. Buti na lang sa akin walang problema kasi blue passport po ako, so naayos agad.“Nagulat ako kasi akala ko parang one of the cast lang ako, yon pala ako talaga yung bida, so parang nakakatuwa na nakakaiyak,” kuwento niya.Kahit may kontrata siya sa Regal Films ay pinayagan naman daw siyang gumawa ng pelikula sa iba.“Kasi sa Regal po, parang hinahanapan pa po nila ako ng love team. Nagkakaroon po ng problema sa leading lady. Pero may contract naman po ako sa kanila kaya okey lang yon,” huling pahayag ni Derrick sa PUSH.

Derrick Monasterio also reveals how he found out he was the lead star in a movie for the first time.