Nagbigay ng reaksyon sa PUSH si Roxanne Barcelo sa eksenang hinawakan ni JC de Vera ang boobs niya sa pelikulang Love Is Love. Ayon sa singer-actress, bilang isang aktres malaki ang tiwala niya sa aktor na hindi ito magte-take advantage sa kanya.

“Hindi naman siya talaga nakahawak sa boobs ko, don siya nakahawak sa foam, tapos may kutsinta pa akong nilagay,” natatawa niyang reaksyon.

“Siguro, parang nung time na yan tiwalang-tiwala na akong sobra kay JC. Ni hindi ko binanggit sa kanya na, ‘Hoy dito lang.’ Wala akong ganun. Kasi parang we’re co-actors and I know naman na he won’t take advantage of me. And pag in-internalize ko yung role ko, at that point nagmamahalan sila,” dagdag niyang paliwanag.

Inamin din ng aktres na normal sa kanya ang nakakakita ng ganung klase ng lambigan sa kanyang parents.

“Ang magulang ko, ang tatay ko laging nakahawak sa suso ng nanay ko – in public place, sa bahay namin, breakfast – ano niya yan, lambing yan sa nanay ko,” depensa niya.

“Ayoko ring ibigay yung water down version ko na pa-sweet. Wala na ako do’n, eh. Kung ano yung totoong nakikita kong dapat sa role, yon yung binibigay ko. Nasa point na ako ng buhay ko na I wanna give my all and my best para sa viewers,” hirit pa niya.

Sa tunay na buhay ay babaeng bakla ang personalidad ni Roxanne kaya nawindang siya sa role bilang na na-assign sa kanya sa pelikula.

“Never kong in-acknowledge… pag tinatanong kasi nila kung anong role ko dito hindi ko talaga sinasabi pero iba siya, hindi siya babaeng bakla. Transgender woman.

“Which is harder for me. Mahirap siya, sobrang hirap. Hindi ko siya maintindihan, hindi ko talaga siya ma-get, iba siya sa pagkatao ko. Iba talaga, ibang-iba.

“Kaya kinukwestiyon ko si Direk JB (Sampedro) in the beginning. Sabi ko, ‘bakit ako?’ kasi ako, I really want to understand yung ano… Oo, tinatanggap ko lahat ng job na binibigay sa akin, but this one, parang ang hirap, really…

“Kasi even do’n sa first taping day, sabi ko, ‘Direk, ba’t ba ako? Babaing bakla ako, eh.’ Kasi puwede naman siyang kumuha na lang ng totoong transgender woman, di ba? So, yan yung non-stop na hinihimay namin sa karakter ko, kaya nga 'di ba, gumawa pa ako ng character sketches para mas maintindihan ko siya,” pagtatapat ni Roxanne sa hirap na pinagdaanan niya sa role.

Eh, ano naman ang naging realization niya sa itinuturing niyang toughest role na ginampanan niya?

Sagot niya, “Ang realization ko is that, minsan kuno ano yung anyo natin sa labas it’s not what is inside. Minsan feeling mo super girl ka, feeling mo queen ka pero yung kulay mo does not say that you’re queen-like.

“Or yung circumstances mo does not tell you that you are royal blood pero sa isip mo, anak ako ni Lord pero ba’t hindi ako mayaman. Oh, 'di ba may struggle, so yon yung natututnan ko na these are normal things.”

Bilang paghahanda ay kumausap din daw siya ng ilang transgender woman para mas maintindihan ang nararamdaman nila.

“I spoke to two friends and they told me in the most graceful way possible na when they did it it was the happiest and most fulfilling decision. So, ibig sabihin, sila lang ang nakakalam ng happiness nila from the start, and they know at a very, very young age.

“Bihira yung ganun sa tao na bata ka pa lang alam mo na yung gusto mo, alam mo kong ano yung... di ba? Ako I wanted to be a doctor nung bata pa ako, I might be consider it pero growing up nag-iba.

“I think, acting is therapy for me. Kasi hindi ka puwedeng tumalon sa ibang karakter without knowing your own truth. So, kung hindi ka honest sa sarili mo hindi ka makakaiyak nang tama.

“First step is to know where you are emotionally, so kung hindi mo alam yung emotions mo, walang way, walang chance, so I had to deal with my personal emotions everyday para lang ma-achieve yung character na binigay sa akin,” paliwanag pa ni Roxanne sa PUSH.