Nagsisimula na sa paghahanda ang direktor na si JP Habac para sequel ng kanyang box office hit na I'm Drunk, I Love You (2017). Sa set visit ng shooting para sa Lights Camera Magic short film winner Viral Kids, ikinuwento ni JP Habac sa PUSH ang ilang detalye ng inaabangang Part 2 ng kanyang pelikula.

View this post on Instagram

Sa loob ng mahigit isang taon, sobrang daming nangyaring masasaya, nakakakaba, malulungkot at nakakaiyak na eksena para lang maipanganak ang pelikulang ito. Ilang beses na ring bumagsak ang pagtitiwala ko dito. Pero, huy! Nag-last shooting day na kami kahapon! Sobrang suryal. Sa lahat ng taong naging parte ng paggawa ng pelikulang ito, sa lahat ng nagtiwala at sa lahat ng kumapit, maraming, maraming, maraming salamat. Lalong-lalo na kina Sir Ed at Sir Nando. Mula sa kaibuturan ng mga damndamin namin ni Carson at Dio, isang malaking PAKSHET. Labyu all. <3 #ImDrunkILoveYou

A post shared by JP Habac (@jphabac) on Dec 1, 2016 at 1:04am PST

"Ngayon nasa division pa kami ng script. Target namin sana kung magiging smooth lahat ng development and pre-production, makapag-shoot kami siguro end of this year hopefully," pahayag ni JP na kasalukuyan ding may ginagawang iba pang proyekto para sa iWant.

Ayon kay Habac, mananatiling sina Maja Salvador at Paulo Avelino ang magiging magka-tambal, at habang ang kwento ay naka-set seven years after. "Naka-set kasi yung I'm Drunk, I Love You ng 2015, so after seven years, 2022. So three years from now, hindi pa rin naman malayo," paliwanag ni Direk.

Habang binanggit na magkakaroon ng mga bagong karakter at bagong artista, naging matipid naman ang Sakaling Maging Tayo creator kung makakasama ang nag-trending na love-triangle na karakter ni Jasmine Curtis na si Pathy.

View this post on Instagram

I’m Drunk, I Love You. Character Posters

A post shared by JP Habac (@jphabac) on Aug 12, 2018 at 8:17pm PDT

Samantala, isang mentorship para sa Lights Camera Magic winner na si Arjanmar Rebeta ang pinagkakaabalahan ngayon ni JP. Siya at sina Mikhail Red at Victor Villanueva ang mga mentors sa tatlong winners sa nabanggit na film competition ng Star Magic.

"Nag-suggest, nag-comment. Pero hinayaan ko siya na siya yung gumawa ng decision. When it comes to the story or the script, hindi ko siya diniktahan, kasi ako ayoko namang ginagawa sa akin yun as a filmmaker," pahayag ni JP na tinutukoy ang Viral Kids shortfilm at ang direktor nitong si Arjanmar.