Push Admin

Rosanna Roces, ikinuwento paano ipinagdiwang ang kaarawan habang naka-quarantine

Article (news)

Leo Bukas

Sa kabila ng dinaranas na COVID-19 pandemic sa buong mundo ay positibo pa ring sinalubong ng award-winning actress na si Rosanna Roces ang kanyang ika-48 na kaarawan. Nag-birthday si Osang nitong May 24, 2020.Nagpapasalamat din siya sa Diyos na sa kabila ng panganib na hatid ng COVID-19 ay nananatili silang ligtas ng kanyang mga mahal buhay.Eh, kumusta naman ang kanyang birthday habang naka-quarantine?“Okey naman,” kaswal niyang sagot sa tanong namin.“Masaya pa din ang birthday kahit naka-quarantine kasi buhay ako at walang sakit. Sapat na yun para magpasalamat sa Diyos,” lahad pa ng aktres.Ayon pa kay Osang (tawag kay Rosanna sa showbiz), nagsuot din siya ng bagong damit para lang ma-feel na birthday niya talaga.“May nabili akong bagong damit noon tapos sinuot ko rin para masabi lang na nag-birthday ako. Hahaha!” sabay pakita sa amin via Messenger ng photo niya na suot ang bagong damit.Patuloy pa ni Osang, “Nag order lang ako ng food online—alimango at sugpo. Tatatlo lang kasi kami ni Blessy (partner niya) at Maha dito sa bahay.”Kinumusta rin namin kay Osang ang status ng teleseryeng ginagawa niya sa ABS-CBN bago dumating ang COVID-19 at bago mag-shutdown ang network.“Ang <a href="https://ent.abs-cbn.com/pamilyako" target="_blank">Pamilya Ko</a> ay hindi na babalik sa ere. Kinausap na kami. Na naintindihan ko din naman dahil hindi lang naman ako ang apektado. Nangako naman si RSB (Ruel S. Bayani) na matapos lang lahat ng ito ay magkakaron din ako ng bagong trabaho.”Mabuti na nga lang daw na kahit papaano dahil sa mga teleseryeng ginawa niya sa ABS-CBN ay nakaipon siya bago dumating ang health crisis at ang ABS-CBN shutdown.“Nagpapasalamat talaga ako sa kanya (RSB) kasi ang laki ng mga tulong niya sa akin. Dahil sa mga shows na binigay niya, eh, nakaipon ako ng sapat para mag survive ngayon,” sambit pa ng aktres.Ano ba ang kanyang birthday wish?“Ang birthday wish ko ay sana matapos na ang COVID na ito para bumalik na sa normal ang mga buhay natin. Sa sarili ko, wala muna akong wish,” tugon sa amin ni Rosanna.

Rosanna Roces, naiintindihan kung bakit di na makakabalik sa ere ang ‘Pamilya Ko’